ਨਵੀਂ ਦਿੱਲੀ, 5 ਮਾਰਚ (ਪੀ. ਟੀ. ਆਈ.)-ਭਾਰਤੀ ਜਲ ਸੈਨਾ ਨੇ ਕਿਹਾ ਕਿ ਉਹ ਈਰਾਨੀ ਜੰਗੀ ਜਹਾਜ਼ 'ਆਈ.ਆਰ.ਆਈ.ਐਸ. ਦੇਨਾ' ਤੋਂ ਮਿਲੀ ਐਮਰਜੈਂਸੀ ਕਾਲ ਤੋਂ ਬਾਅਦ ਖੋਜ ਅਤੇ ਬਚਾਅ ਕਾਰਜ ਵਿਚ ਸ਼ਾਮਿਲ ਹੋਈ, ਜੋ ਕਿ ਇਕ ਅਮਰੀਕੀ ਪਣਡੁੱਬੀ ਵਲੋਂ ਚਲਾਈ ਗਈ 'ਟਾਰਪੀਡੋ' ਦੀ ਲਪੇਟ ਵਿਚ ਆਉਣ ਤੋਂ ਬਾਅਦ ਸ੍ਰੀਲੰਕਾ ਦੇ ਤੱਟ 'ਤੇ ਡੁੱਬ ਗਿਆ ਸੀ | ਭਾਰਤੀ ਜਲ ਸੈਨਾ ਨੇ ਦੱਸਿਆ ਕਿ 'ਆਈ.ਐਨ.ਐਸ. ਤਰੰਗਿਨੀ' ਜੋ ਕਿ ਆਸ ਪਾਸ ਗਸ਼ਤ ਕਰ ਰਿਹਾ ਸੀ, ਨੂੰ ਬਚਾਅ ਕਾਰਜਾਂ ਵਿਚ ਸਹਾਇਤਾ ਲਈ ਤਾਇਨਾਤ ਕੀਤਾ ਗਿਆ ਸੀ ਅਤੇ ਸ਼ਾਮ 4 ਵਜੇ ਤੱਕ ਖੋਜ ਖੇਤਰ ਵਿਚ ਪਹੁੰਚ ਗਿਆ ਸੀ | ਇਸ ਸਮੇਂ ਤੱਕ ਸ੍ਰੀਲੰਕਾ ਦੀ ਜਲ ਸੈਨਾ ਅਤੇ ਹੋਰ ਏਜੰਸੀਆਂ ਵਲੋਂ ਖੋਜ ਅਤੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤਾ ਗਿਆ ਸੀ |
