ਸੁੱਧਾਮਾਜਰਾ ਜ਼ੋਨ ਤੋਂ ਪੜ੍ਹੇ ਲਿਖੇ ਨੌਜਵਾਨ ਨਾਨਕ ਸਿੰਘ ਜੰਡੀ ਨੂੰ ਕਾਂਗਰਸ ਨੇ ਬਣਾਇਆ ਸੰਮਤੀ ਉਮੀਦਵਾਰ <br/>

ਕਾਠਗੜ੍ਹ, 4 ਦਸੰਬਰ (ਹਰਸਿਮਰਨ ਜੋਤ ਸਿੰਘ ਕਲੇਰ) - ਜ਼ਿਲ੍ਹਾ ਕਾਂਗਰਸ ਪਾਰਟੀ ਦੇ ਪ੍ਰਧਾਨ ਅਤੇ ਸੀਨੀਅਰ ਕਾਂਗਰਸੀ ਆਗੂ ਚੌਧਰੀ ਅਜੇ ਕੁਮਾਰ ਮੰਗੂਪੁਰ ਵਲੋਂ ਸੁੱਧਾਮਾਜਰਾ ਜੋਨ ਤੋਂ ਵੀ ਉਮੀਦਵਾਰ ਦਾ ਐਲਾਨ ਕਰਦੇ ਹੋਏ ਇੱਕ ਚੰਗੇ ਪੜ੍ਹੇ ਲਿਖੇ ਤੇ ਸੂਝਵਾਨ ਨੌਜਵਾਨ ਨੂੰ ਚੋਣ ਮੈਦਾਨ 'ਚ ਉਤਾਰਿਆ ਗਿਆ ਹੈ | ਸੁੱਧਾਮਾਜਰਾ ਜ਼ੋਨ ਤੋਂ ਐਲਾਨੇ ਗਏ ਉਮੀਦਵਾਰ ਨਾਨਕ ਸਿੰਘ ਜੰਡੀ ਨੇ ਬੀ.ਟੈਕ, ਐਮ.ਬੀ.ਏ ਅਤੇ ਐਲ.ਐਲ.ਬੀ ਦੀ ਉਚੇਰੀ ਸਿੱਖਿਆ ਹਾਸਲ ਕੀਤੀ ਹੋਈ ਹੈ ਤੇ 34 ਸਾਲ ਦੇ ਇਹ ਨੌਜਵਾਨ ਉਮੀਦਵਾਰ ਸਵ: ਰਾਮਪਾਲ ਬਾਂਠ ਦੇ ਸਪੁੱਤਰ ਅਤੇ ਕਾਠਗੜ ਇਲਾਕੇ ਦੀ ਨਾਮਵਰ ਸ਼ਖਸ਼ੀਅਤ ਸਵ: ਚੌਧਰੀ ਕਿਸ਼ਨ ਚੰਦ ਬਾਂਠ ਦੇ ਪੋਤਰੇ ਹਨ | ਇਸ ਨੌਜਵਾਨ ਉਮੀਦਵਾਰ ਦੀ ਸੁੱਧਾਮਾਜਰਾ ਜੋਨ ਵਿੱਚ ਪੈਂਦੇ ਵੱਖ-ਵੱਖ ਪਿੰਡਾਂ ਵਿਚ ਕਾਫੀ ਵਾਕਫੀਅਤ ਹੈ ਅਤੇ ਇਹ ਉਮੀਦਵਾਰ ਲੋਕਾਂ ਦੀਆਂ ਉਮੀਦਾਂ 'ਤੇ ਖਰੇ ਉਤਰਨ ਲਈ ਹਰ ਸੰਭਵ ਕੋਸ਼ਿਸ਼ ਕਰੇਗਾ |