ਜਲੰਧਰ, 7 ਮਈ (ਪਵਨ ਖਰਬੰਦਾ)-ਗੁਰੂ ਤੇਗ ਬਹਾਦਰ ਪਬਲਿਕ ਸਕੂਲ ਹਜ਼ਾਰਾ ਵਿਖੇ ਇਨਵੈਸਟਰਜ਼ ਸਮਾਗਮ ਕਰਵਾਇਆ ਗਿਆ, ਜਿਸ ਵਿੱਚ ਹੈੱਡ ਬੁਆਏ ਤੇ ਹੈੱਡ ਗਰਲ ਅਤੇ ਚਾਰ ਹਾਊਸਾਂ ਭਾਈ ਮਤੀ ਦਾਸ ਜੀ, ਭਾਈ ਸਤੀ ਦਾਸ ਜੀ, ਭਾਈ ਜੈਤਾ ਜੀ ਅਤੇ ਭਾਈ ਦਿਆਲਾ ਜੀ ਦੇ ਕੈਪਟਨ, ਵਾਈਸ ਕੈਪਟਨ ਅਤੇ ਕਲਾਸਾਂ ਦੇ ਮੋਨਿਟਰਾਂ ਦੀ ਵੀ ਚੋਣ ਕੀਤੀ ਗਈ | ਇਸ ਮੌਕੇ ਸਕੂਲ ਦੇ ਸਕੱਤਰ ਜਸਵਿੰਦਰ ਸਿੰਘ ਮਿਨਹਾਸ ਅਤੇ ਪਿ੍ੰਸੀਪਲ ਨੀਤੂ ਜੇਠੀ ਨੇ ਮੁੱਖ ਮਹਿਮਾਨ ਵਜੋਂ ਹਾਜ਼ਰੀ ਭਰੀ | ਇਸ ਸਮਾਰੋਹ ਦੀ ਅਗਵਾਈ ਸਕੂਲ ਦੇ ਮੈਨੇਜਰ ਵਿਸ਼ਾਲ ਕੁਮਾਰ ਵੱਲੋਂ ਕੀਤੀ ਗਈ | ਸਮਾਰੋਹ ਦੀ ਆਰੰਭਤਾ ਸ਼ਬਦ ਨਾਲ ਕੀਤੀ ਗਈ ਉਪਰੰਤ ਮਾਰਚ ਪਾਸਟ, ਸਹੁੰ ਸਮਾਰੋਹ ਅਤੇ ਬੈਚ ਸੈਰੇਮਨੀ ਦੀ ਰਸਮ ਕੀਤੀ ਗਈ | ਪਿ੍ੰਸੀਪਲ ਨੀਤੂ ਜੇਠੀ ਨੇ ਚੁਣੇ ਹੋਏ ਬੱਚਿਆਂ ਨੂੰ ਵਧਾਈ ਦਿੱਤੀ ਅਤੇ ਉਨ੍ਹਾਂ ਨੂੰ ਆਪਣੀ ਜ਼ਿੰਮੇਵਾਰੀਆਂ ਪੂਰੀ ਇਮਾਨਦਾਰੀ ਤੇ ਤਨਦੇਹੀ ਨਾਲ ਨਿਭਾਉਣ ਲਈ ਪ੍ਰੇਰਿਆ | ਇਸ ਸਮੇਂ ਚੁਣੇ ਹੋਏ ਮੈਂਬਰ ਹੈੱਡ ਬੁਆਏ ਦਮਨਪ੍ਰੀਤ ਸਿੰਘ, ਨਿਸ਼ਾਂਤ ਅਰੋੜਾ, ਹੈੱਡ ਗਰਲ ਸਹਿਲੀਨ ਕੌਰ, ਕੈਪਟਨ ਅਤੇ ਵਾਇਸ ਕੈਪਟਨ ਭਾਈ ਮਤੀ ਦਾਸ ਜੀ-ਕਰਨਦੀਪ ਸਿੰਘ ਅਤੇ ਭੁਪਿੰਦਰ ਕੌਰ , ਭਾਈ ਸਤੀ ਦਾਸ ਜੀ- ਪੂਨਮ ਅਤੇ ਇਸ਼ਿਤਾ, ਭਾਈ ਜੈਤਾ ਜੀ ਸਾਹਿਬਾ ਅਤੇ ਚੰਦਨ ਅਤੇ ਭਾਈ ਦਿਆਲਾ ਜੀ ਵੀਰ ਕਰਨ ਅਤੇ ਕਸ਼ਿਸ਼ ਆਦਿ ਵਿਦਿਆਰਥੀਆਂ ਦੀ ਜਾਣ-ਪਛਾਣ ਸਕੂਲ ਦੇ ਬਾਕੀ ਵਿਦਿਆਰਥੀਆਂ ਨੂੰ ਕਰਵਾਈ ਗਈ |
