ਨਵੀਂ ਦਿੱਲੀ, 29 ਜਨਵਰੀ (ਮਿਸਰਦੀਪ ਭਾਟੀਆ)-ਭਿਵਾਨੀ ਪਰਿਵਾਰ ਮੈਤਰੀ ਸੰਘ ਦੁਆਰਾ ਆਯੋਜਿਤ 'ਵਨ ਭੋਜ' ਪ੍ਰੋਗਰਾਮ ਨੇ ਕਲਾ, ਸੱਭਿਆਚਾਰ ਅਤੇ ਦੇਸ਼ ਭਗਤੀ ਦੇ ਆਪਣੇ ਸ਼ਾਨਦਾਰ ਸੰਗਮ ਨਾਲ ਹਜ਼ਾਰਾਂ ਲੋਕਾਂ ਨੂੰ ਮੰਤਰਮੁਗਧ ਕਰ ਦਿੱਤਾ | ਸ੍ਰੀ ਗੋਪੀ ਨਾਥ ਫਾਰਮ, ਜੀ.ਟੀ., ਕਰਨਾਲ ਰੋਡ ਵਿਖੇ ਆਯੋਜਿਤ ਸਮਾਗਮ ਵਿਚ ਦੇਸ਼ ਭਗਤੀ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ | ਪ੍ਰੋਗਰਾਮ ਵਿਚ ਤਿਰੰਗਾ ਲਹਿਰਾਇਆ ਗਿਆ, ਇਕ ਫੌਜੀ ਬੈਂਡ ਅਤੇ ਯੁੱਧ ਸਮਾਰਕ ਨੂੰ ਸ਼ਰਧਾਂਜਲੀ ਦਿੱਤੀ ਗਈ | ਅੰਤਰਰਾਸ਼ਟਰੀ ਪ੍ਰਸਿੱਧੀ ਪ੍ਰਾਪਤ ਕਵੀ ਰਾਜੇਸ਼ ਚੇਤਨ ਦੀ ਪ੍ਰਭਾਵਸ਼ਾਲੀ ਐਂਕਰਿੰਗ ਨੇ ਦਰਸ਼ਕਾਂ ਨੂੰ ਘੰਟਿਆਂ ਤੱਕ ਬੰਨ੍ਹ ਕੇ ਰੱਖਿਆ | ਇਸ ਸਾਲ ਦਾ ਵਿਸ਼ਾ ਆਰ.ਐਸ.ਐਸ. ਦੇ 100 ਸਾਲ ਸੀ, ਜਿਸਦੇ ਤਹਿਤ ਸੰਸਥਾ ਨੇ ਸੰਘ ਦੇ ਸਿਧਾਂਤਾਂ ਅਤੇ ਸਿੱਖਿਆਵਾਂ ਨੂੰ ਜਨਤਾ ਤੱਕ ਪਹੁੰਚਾਉਣ ਦਾ ਸੰਕਲਪ ਲਿਆ | ਸੰਸਕਾਰ ਭਾਰਤੀ ਦੇ ਚਿੱਤਰਕਲਾ ਦੀ ਪ੍ਰਦਰਸ਼ਨੀ, ਹਵਨ ਪੂਜਨ ਅਤੇ ਨੌਜਵਾਨਾਂ ਦੁਆਰਾ ਬਣਾਏ ਗਏ ਤਿਰੰਗਾ ਟੈਟੂ ਨੇ ਰਵਾਇਤੀ ਅਤੇ ਆਧੁਨਿਕ ਕਦਰਾਂ-ਕੀਮਤਾਂ ਨੂੰ ਜੋੜਿਆ | ਪ੍ਰੋਗਰਾਮ ਦੌਰਾਨ ਮੈਗਾ ਮੈਡੀਕਲ ਕੈਂਪ ਅਤੇ ਖੂਨਦਾਨ ਕੈਂਪ ਲਗਾ ਕੇ ਸਮਾਜਿਕ ਜ਼ਿੰਮੇਵਾਰੀ ਦਾ ਪਰਿਚੈ ਦਿੱਤਾ ਗਿਆ | ਰਾਜੇਸ਼ ਚੇਤਨ ਅਤੇ ਪ੍ਰਮੋਦ ਸ਼ਰਮਾ ਦੀ ਸ਼ਕਤੀਸ਼ਾਲੀ ਐਂਕਰਿੰਗ ਨੇ, ਮਨੋਜ ਮੁੰਤਸ਼ਿਰ ਦੀ ਡਾਕੂਮੈਂਟਰੀ ਅਤੇ ਖੇਡਾਂ ਨੇ ਦਰਸ਼ਕਾਂ ਨੂੰ ਅੰਤ ਤੱਕ ਬੰਨ੍ਹ ਕੇ ਰੱਖਿਆ | ਪ੍ਰੋਗਰਾਮ ਦੀ ਪ੍ਰਧਾਨਗੀ ਨਵਲ ਕਿਸ਼ੋਰ ਨੇ ਕੀਤੀ ਅਤੇ ਇਸ ਵਿਚ ਨਾਮਵਰ ਹਸਤੀਆਂ ਨੇ ਸ਼ਿਰਕਤ ਕੀਤੀ | ਪ੍ਰੋਗਰਾਮ ਵਿਚ ਰਮੇਸ਼ ਅਗਰਵਾਲ, ਹੰਸਰਾਜ ਰਲਹਨ, ਕੇ.ਐਲ. ਗਰਗ, ਜਯ ਕੁਮਾਰ ਗੋਇਲ, ਸਤੀਸ਼ ਅਗਰਵਾਲ, ਪ੍ਰਮੋਦ ਗੁਪਤਾ, ਰਾਜੀਵ ਗੋਇਲ, ਵਿਜੇ ਜਿੰਦਲ, ਅਨਿਲ ਅਗਰਵਾਲ, ਸੰਦੀਪ ਅਗਰਵਾਲ ਅਤੇ ਹਰਦਿਆਲ ਰਾਜਪਾਲ ਵਿਸ਼ੇਸ਼ ਮਹਿਮਾਨ ਵਜੋਂ ਹਾਜ਼ਰ ਸਨ |
