15 ਅਗਸਤ ਤੋਂ ਲੱਗੇਗਾ ਸਰੀ ਦਾ ਗ੍ਰੀਕ ਫੂਡ ਫੈਸਟੀਵਲ

ਅ

ਅਜੀਤ ਡੈਸਕ 12-08-2026

ਵੈਨਕੂਵਰ, 11 ਅਗਸਤ (ਮਲਕੀਤ ਸਿੰਘ)- ਪੰਜਾਬੀਆਂ ਦੀ ਸੰਘਣੀ ਵਸੋਂ ਵਾਲੇ ਸ਼ਹਿਰ ਸਰੀ ਵਿਚ ਹਰ ਸਾਲ ਕਰਵਾਇਆ ਜਾਣ ਵਾਲਾ ਪ੍ਰਸਿੱਧ ਗ੍ਰੀਕ ਫੂਡ ਫੈਸਟੀਵਲ ਇਸ ਵਾਰ 15 ਅਗਸਤ ਤੋਂ ਸ਼ੁਰੂ ਹੋਵੇਗਾ । ਪ੍ਰਬੰਧਕਾਂ ਵਲੋਂ ਇਸ ਫੈਸਟੀਵਲ ਦੀਆਂ ਤਰੀਕਾਂ ਵਿਚ ਤਬਦੀਲੀ ਦਾ ਕਾਰਨ ਵਿਸ਼ਵ ਕੱਪ ਫੁੱਟਬਾਲ ਮੁਕਾਬਲਿਆਂ ਨੂੰ ਦੱਸਿਆ ਗਿਆ ਹੈ । ਇਸ ਮੇਲੇ ਦੌਰਾਨ ਲੋਕਾਂ ਨੂੰ ਰਵਾਇਤੀ ਯੂਨਾਨੀ ਖਾਣਿਆਂ ਦਾ ਸਵਾਦ ਚੱਖਣ ਦਾ ਮੌਕਾ ਮਿਲੇਗਾ । ਮੇਲੇ ਦੀ ਖਾਸ ਖਿੱਚ ਰਵਾਇਤੀ ਢੰਗ ਨਾਲ ਭੁੰਨਿਆ ਜਾਣ ਵਾਲਾ ਮੀਟ ਹੁੰਦਾ ਹੈ । ਇਸ ਤੋਂ ਇਲਾਵਾ ਵੱਖ-ਵੱਖ ਯੂਨਾਨੀ ਪਕਵਾਨਾਂ ਦੇ ਨਾਲ ਸੰਗੀਤ, ਨਾਚ ਅਤੇ ਪਰਿਵਾਰਕ ਮਨੋਰੰਜਨ ਵੀ ਮੇਲੇ ਦਾ ਹਿੱਸਾ ਹੋਣਗੇ । ਸਰੀ ਅਤੇ ਆਲੇ-ਦੁਆਲੇ ਦੇ ਇਲਾਕਿਆਂ ਤੋਂ ਹਰ ਸਾਲ ਵੱਡੀ ਗਿਣਤੀ ਵਿਚ ਲੋਕ ਇਸ ਮੇਲੇ ਵਿਚ ਪਹੁੰਚਦੇ ਹਨ । ਇਹ ਸਮਾਗਮ ਯੂਨਾਨੀ ਭਾਈਚਾਰੇ ਦੇ ਖਾਣ-ਪੀਣ, ਸੱਭਿਆਚਾਰ ਅਤੇ ਰਵਾਇਤਾਂ ਨੂੰ ਨੇੜਿਉਂ ਜਾਣਨ ਦਾ ਮੌਕਾ ਵੀ ਦਿੰਦਾ ਹੈ ।

ਪਿਛਲੀ ਖ਼ਬਰ ਟਰੰਪ ਵਲੋਂ ਬੱਚਿਆਂ ਦੀ ਟੀਕਾਕਰਨ ਨੀਤੀ ਬਦਲਣ ਦਾ ਹੁਕਮ, ਡਾਕਟਰਾਂ ਨੇ ਵਿਗਿਆਨਕ ਆਧਾਰ ’ਤੇ ਚੁੱਕੇ ਸਵਾਲ ਅਗਲੀ ਖ਼ਬਰ ਪਾਕਿ ਵਾਲੇ ਕਸ਼ਮੀਰ ’ਚ ਵਿਰੋਧ ਪ੍ਰਦਰਸ਼ਨ ਦੌਰਾਨ ਪੁਲਿਸ ਗੋਲੀ ਨਾਲ ਮਾਰੇ ਗਏ ਬ੍ਰਿਟਿਸ਼ ਨਾਗਰਿਕ ਦੇ ਪਰਿਵਾਰ ਦੀ ਨਹੀਂ ਹੋ ਰਹ...