ਵਾਸ਼ਿੰਗਟਨ, 26 ਮਾਰਚ (ਏਜੰਸੀ)-ਅਮਰੀਕੀ ਫੌਜ ਨੇ ਬੁੱਧਵਾਰ ਨੂੰ ਕੈਰੇਬੀਅਨ ਸਾਗਰ 'ਚ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਕਰ ਰਹੀ ਇਕ ਕਿਸ਼ਤੀ 'ਤੇ ਹਮਲਾ ਕੀਤਾ, ਜਿਸ 'ਚ ਚਾਰ ਲੋਕ ਮਾਰੇ ਗਏ | ਜ਼ਿਕਰਯੋਗ ਹੈ ਕਿ ਟਰੰਪ ਪ੍ਰਸ਼ਾਸਨ ਲਾਤੀਨੀ ਅਮਰੀਕਾ 'ਚ ਕਥਿਤ ਤਸਕਰਾਂ ਵਿਰੁੱਧ ਮਹੀਨਿਆਂ ਤੱਕ ਚੱਲੀ ਮੁਹਿੰਮ ਨੂੰ ਅੱਗੇ ਵਧਾ ਰਿਹਾ ਹੈ | ਤਾਜ਼ਾ ਹਮਲੇ ਨਾਲ ਅਮਰੀਕੀ ਫÏਜ ਵਲੋਂ ਕਿਸ਼ਤੀਆਂ ਦੇ ਹਮਲਿਆਂ 'ਚ ਮਾਰੇ ਗਏ ਲੋਕਾਂ ਦੀ ਗਿਣਤੀ ਘੱਟੋ-ਘੱਟ 163 ਹੋ ਗਈ ਹੈ ਜਦੋਂ ਤੋਂ ਟਰੰਪ ਪ੍ਰਸ਼ਾਸਨ ਨੇ ਸਤੰਬਰ ਦੇ ਸ਼ੁਰੂ 'ਚ ਉਨ੍ਹਾਂ ਲੋਕਾਂ ਨੂੰ ਨਿਸ਼ਾਨਾ ਬਣਾਉਣਾ ਸ਼ੁਰੂ ਕੀਤਾ ਹੈ |
