ਦੁੱਖ-ਸੁੱਖ ਵੰਡਦਾ ਤੁਰ ਗਿਆ,
ਬਈ ਸਾਲ ਪੁਰਾਣਾ |
ਬੀਤ ਗਿਆ ਸੋ ਬੀਤ ਗਿਆ,
ਨਾ ਮੁੜ ਕੇ ਆਣਾ |
ਨਵੇਂ ਦੀ ਆਮਦ ਨੂੰ ਬਣਦਾ,
ਜੀ ਆਇਆਂ ਕਹਿਣਾ |
ਖੁਸ਼ੀ ਗ਼ਮੀ ਦੋ ਪਹਿਲੂ,
ਉਹਦਾ ਮਿੱਠਾ ਭਾਣਾ |
ਬੁੱਕ ਭਰ-ਭਰ ਵੰਡੀਏ ਹਾਸੇ,
ਨਾਲ ਕੁਝ ਨਾ ਜਾਣਾ |
ਛੱਡ ਨਫ਼ਰਤਾਂ ਨੂੰ ਸਾਰੇ,
ਗੀਤ ਪਿਆਰ ਦਾ ਗਾਣਾ |
ਵਗੀ ਹਨੇਰੀ ਨਸ਼ਿਆਂ ਦੀ,
ਛੱਡ ਬਣ ਜਾ ਸਿਆਣਾ |
ਕਰੇ ਤਰੱਕੀ ਦੇਸ਼ ਮੇਰਾ,
ਬਈ ਇਹੋ ਠਾਣਾ |
ਮਾਂ-ਬੋਲੀ ਦੇ ਨਿੱਘ ਨੂੰ
ਮੈਂ ਰੂਹ ਨਾਲ ਮਾਣਾਂ |
ਵਿੱਦਿਆ ਦੀ ਫੁਲਵਾੜੀ ਵਿਚ
ਯੋਗਦਾਨ ਪਾਣਾ |
ਜ਼ਿੰਦਗੀ 'ਚ ਬਹੁਤਾ ਉਲਝੀਂ ਨਾ,
ਇਹੀ ਤਾਣਾ-ਬਾਣਾ |
ਵੇਖ ਹਰਿਆਲੀ ਖੇਤਾਂ ਦੀ,
ਇਹੋ ਖਾਣਾ-ਦਾਣਾ |
ਬਹੁਤਾ 'ਮਰਕਸ' ਸੋਚੀ ਨਾ,
ਬਣ ਬੀਬਾ ਰਾਣਾ |
-ਮਰਕਸ ਪਾਲ ਗੁੰਮਟਾਲਾ
ਖ਼ਾਲਸਾ ਕਾਲਜ ਸੀਨੀ. ਸੈਕੰਡਰੀ ਸਕੂਲ, ਅੰਮਿ੍ਤਸਰ |
ਮੋਬਾਈਲ : 98720-70182
