ਵਾਯੂਮੰਡਲ ਨੂੰ ਸ਼ੁੱਧ ਬਣਾਵਾਂਗੇ

ਐਤਕੀਂ ਦੀਵਾਲੀ 'ਤੇ
ਪਟਾਕੇ ਨਹੀਂ ਚਲਾਵਾਂਗੇ
ਹੋਰਾਂ ਨੂੰ  ਸਮਝਾਵਾਂਗੇ |
ਮਾਸਟਰ ਜੀ ਵੀ ਇਕ ਦਿਨ,
ਸਭ ਨੂੰ  ਸਮਝਾਂਦੇ ਸੀ,
ਪ੍ਰਦੂਸ਼ਣ ਨਾ ਫੈਲਾਓ ਬੱਚਿਓ,
ਵਾਰ ਵਾਰ ਦੁਹਰਾਂਦੇ ਸੀ |
ਅੰਬਰ 'ਤੇ ਕਾਲੀ ਪਰਤ,
ਪਹਿਲਾਂ ਹੀ ਬਥੇਰੀ ਏ |
ਹੋਰ ਨਾ ਵਧਾਈਏ ਬੱਚਿਓ,
ਇਹ ਜ਼ਿੰਮੇਵਾਰੀ ਤੇਰੀ ਮੇਰੀ ਏ |
ਜਿਹੜਾ ਬੱਚਾ ਐਤਕੀਂ,
ਪਟਾਕੇ ਨਹੀਂ ਚਲਾਏਗਾ,
ਸਕੂਲ ਵਲੋਂ ਉਹ ਬੱਚਾ,
ਖੂਬ ਸਲਾਹਿਆ ਜਾਏਗਾ |
ਆਓ ਸਾਰੇ ਮਿਲ ਕੇ ਕਰੀਏ ਪ੍ਰਣ
ਵਾਯੂਮੰਡਲ ਨੂੰ  ਸ਼ੁੱਧ ਬਣਾਵਾਂਗੇ
ਕੋਈ ਜੀਵ ਜੰਤ ਨਾ ਔਖਾ ਹੋਵੇ,
ਕੀਤੇ ਵਾਅਦੇ ਤੋੜ ਨਿਭਾਵਾਂਗੇ |
-ਮੋਬਾਈਲ : 94196-36562