ਸਮਰਾਲਾ, 29 ਜਨਵਰੀ (ਗੋਪਾਲ ਸੋਫਤ)-ਸਥਾਨਕ ਭਾਜਪਾ ਦੇ ਨੌਜਵਾਨ ਆਗੂ ਨਿਸ਼ੂ ਸ਼ਰਮਾ ਆਗੂ ਵਲੋਂ ਲੋੜਵੰਦਾਂ ਦੀ ਸਹਾਇਤਾ ਲਈ ਇੱਕ ਰਜਿਸਟਰੇਸ਼ਨ ਕੈਂਪ ਲਗਾਇਆ ਗਿਆ | ਜਿਸ ਵਿਚ ਲੋੜਵੰਦਾਂ ਦੀ ਰਜਿਸਟਰੇਸ਼ਨ ਲਈ 200 ਦੇ ਕਰੀਬ ਵਿਅਕਤੀਆਂ ਨੇ ਆਪਣੇ ਫਾਰਮ ਭਰਵਾਏ ਹਨ | ਰਜਿਸਟਰੇਸ਼ਨ ਕਰਵਾਉਣ ਵਾਲੇ ਲੋੜਵੰਦਾਂ ਨੂੰ ਬੈਟਰੀ ਵਾਲੀਆਂ ਵੀਲ ਚੇਅਰ, ਕੰਨਾਂ ਦੀਆਂ ਮਸ਼ੀਨਾਂ ਅਤੇ ਹੋਰ ਸਹਾਇਕ ਸਾਮਾਨ ਮੁਫ਼ਤ ਦਿੱਤਾ ਜਾਵੇਗਾ | ਕੈਂਪ ਮੌਕੇ ਉਪਰੋਕਤ ਤੋਂ ਇਲਾਵਾ ਅਜੀਤ ਗੁਪਤਾ, ਬੱਗਾ ਸਮਰਾਲਾ, ਜੱਗੀ ਚਹਿਲਾਂ, ਅੰਤਰਜੋਤ ਸਿੰਘ, ਹੈਪੀ ਸਰਪੰਚ ਭੰਗਲਾਂ, ਜੱਸਾ ਰਾਜੇਵਾਲ, ਗੈਰੀ ਕੰਗ ਸਮਰਾਲਾ, ਡਿੰਪਲ, ਆਸ਼ੂ ਸ਼ਰਮਾ ਚਹਿਲਾਂ, ਮਨਦੀਪ ਸਿੰਘ ਸਰਪੰਚ, ਜਸਪ੍ਰੀਤ ਸਿੰਘ ਅਤੇ ਮਨਦੀਪ ਸਿੰਘ ਚਹਿਲਾਂ ਆਦਿ ਵੀ ਹਾਜ਼ਰ ਸਨ |
