ਸੁਖਸਾਲ, 1 ਜਨਵਰੀ (ਧਰਮ ਪਾਲ)-ਸ਼ਿਵ ਆਸ਼ਰਮ ਮੋਜੋਵਾਲ ਵਿਖੇ ਸਵ. 1008 ਸਵਾਮੀ ਗਿਆਨ ਗਿਰੀ ਜੀ ਦੇ 14ਵੀਂ ਬਰਸੀ ਸਮਾਗਮ ਮੰਦਰ ਸੰਚਾਲਕ ਸਵਾਮੀ ਮੁਲਖ ਰਾਜ ਗਿਰੀ ਜੀ ਦੀ ਅਗਵਾਈ ਹੇਠ ਸ਼ੁਰੂ ਕਰਵਾਇਆ ਗਿਆ | ਇਸ ਮੌਕੇ ਉਨ੍ਹਾਂ ਦੱਸਿਆ ਕਿ 1 ਜਨਵਰੀ ਤੋਂ 11 ਜਨਵਰੀ ਤੱਕ ਚੱਲਣ ਵਾਲੇ ਇਸ ਸਮਾਗਮ ਵਿਚ ਸ੍ਰੀ ਹਨੂੰਮਾਨ ਚਾਲੀਸਾ ਪਾਠ, ਸ੍ਰੀ ਬਜਰੰਗ ਬਾਣ ਪਾਠ, ਸ੍ਰੀ ਦੁਰਗਾ ਸਪਤਸਤੀ ਪਾਠ, ਮਹਾਂ ਰੁੱਦਰ ਯੱਗ ਆਦਿ ਵਿਧੀਪੁਰਕ ਵਿਦਵਾਨ ਪੰਡਿਤਾਂ ਦੁਆਰਾ ਕੀਤੇ ਜਾਣਗੇ | ਉਨ੍ਹਾਂ ਦੱਸਿਆ ਕਿ ਦੇਸ਼-ਵਿਦੇਸ਼ ਤੋਂ ਆਉਣ ਵਾਲੀਆਂ ਸੰਗਤਾਂ ਲਈ ਹਰ ਸਾਲ ਦੀ ਤਰਾਂ ਰਹਿਣ ਅਤੇ ਲੰਗਰ ਦੇ ਪ੍ਰਬੰਧ ਮੁਕੰਮਲ ਕੀਤੇ ਗਏ ਹਨ |
