ਸਵੱਛ ਸਰਵੇਖਣ ਨੂੰ ਲੈ ਕੇ ਚੰਡੀਗੜ੍ਹ ਨਗਰ ਨਿਗਮ ਸਰਗਰਮ, ਸਫ਼ਾਈ ਲਈ ਜਨ ਅਭਿਆਨ ਦੀ ਸ਼ੁਰੂਆਤ
ਅਜੀਤ ਡੈਸਕ
07-05-2026
ਅਭਿਆਨ ਦੌਰਾਨ 'ਸਵੱਛਾਗ੍ਰਹੀ ਸਵੈਛਿਕਾਂ' ਵਲੋਂ ਨਿਵਾਸੀਆਂ ਨਾਲ ਸੰਪਰਕ ਕਰਦੇ ਹੋਏ ਚਾਰ ਤਰੀਕਿਆਂ ਨਾਲ ਕੂੜਾ ਛਾਂਟੀ ਕਰਨ ਗਿੱਲਾ ਕੂੜਾ, ਸੁੱਕਾ ਕੂੜਾ, ਘਰੇਲੂ ਖਤਰਨਾਕ ਕੂੜਾ ਤੇ ਸੈਨਟਰੀ ਕੂੜਾ ਬਾਰੇ ਜਾਣਕਾਰੀ ਦਿੱਤੀ ਗਈ | ਕਮਿਸ਼ਨਰ ਨੇ ਕਿਹਾ ਕਿ ਸਵੱਛ ਸਰਵੇਖਣ ਵਿਚ ਉੱਚ ਰੈਂਕਿੰਗ ਹਾਸਲ ਕਰਨ ਲਈ ਜਨਤਾ ਦੀ ਹਿੱਸੇਦਾਰੀ ਤੇ ਸਕਾਰਾਤਮਕ ਫ਼ੀਡਬੈਕ ਬਹੁਤ ਮਹੱਤਵਪੂਰਨ ਹੈ | ਉਨ੍ਹਾਂ ਨੇ ਸ਼ਹਿਰ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਉਹ ਸਵੱਛਾਗ੍ਰਹੀ ਟੀਮਾਂ ਨਾਲ ਸਹਿਯੋਗ ਕਰਦੇ ਹੋਏ ਚੰਡੀਗੜ੍ਹ ਨੂੰ ਹੋਰ ਸਾਫ਼-ਸੁਥਰਾ, ਹਰਾ ਭਰਿਆ ਤੇ ਟਿਕਾਊ ਸ਼ਹਿਰ ਬਣਾਉਣ ਵਿਚ ਆਪਣਾ ਯੋਗਦਾਨ ਪਾਉਣ |