ਬਹਿਰਾਮ, 18 ਫਰਵਰੀ (ਨਛੱਤਰ ਸਿੰਘ ਬਹਿਰਾਮ)-ਵਰਲਡ ਕੈਂਸਰ ਕੇਅਰ ਸੰਸਥਾ ਵਲੋਂ ਚਲਾਏ ਜਾ ਰਹੇ ਵੱਖ-ਵੱਖ ਕੈਂਪਾਂ ਦੀ ਲੜੀ ਤਹਿਤ ਅਸਥਾਨ ਬਾਬਾ ਸੇਲਬਰਾਹ ਝੰਡੇਰਾਂ ਵਿਖੇ ਐਨ.ਆਰ ਵੀਰਾਂ ਅਤੇ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਕੈਂਪ ਲਗਾਇਆ ਗਿਆ | ਉਕਤ ਕੈਂਪ ਵਿੱਚ 510 ਦੇ ਕਰੀਬ ਲੋਕਾਂ ਨੇ ਲਾਹਾ ਲਿਆ | ਕੈਂਪ ਵਿੱਚ ਕਾਫੀ ਮਰੀਜਾਂ ਦੇ ਟੈਸਟ ਮੁਫਤ ਕੀਤੇ ਗਏ ਤੇ ਮੁਫਤ ਦੁਵਾਈਆਂ ਵੀ ਦਿੱਤੀਆ ਗਈਆਂ | ਕੈਂਪ ਇੰਚਾਰਜ ਮੈਡਮ ਪੂਜਾ ਮਾਹੀ ਨੇ ਦੱਸਿਆ ਕਿ ਵਰਲਡ ਕੈਂਸਰ ਕੇਅਰ ਸੰਸਥਾ ਪੰਜਾਬ ਵਿੱਚ ਵੱਡੀ ਪੱਧਰ 'ਤੇ ਕੈਂਸਰ ਜਾਗਰੂਕਤਾ ਕੈਂਪ ਲਗਾ ਚੁੱਕੀ ਹੈ ਤਾਂ ਜੋ ਪੰਜਾਬ ਦੇ ਲੋਕ ਵੱਧ ਤੋਂ ਵੱਧ ਕੈਂਸਰ ਪ੍ਰਤੀ ਜਾਗਰੂਕ ਹੋਣ | ਉਨ੍ਹਾ ਦੱਸਿਆ ਕਿ ਔਰਤਾਂ ਅਤੇ ਮਰਦਾਂ ਵਿੱਚ ਕੈਂਸਰ ਦੀ ਪਹਿਲੀ ਸਟੇਜ 'ਤੇ ਫੜਨ ਲਈ ਸਰੀਰਕ ਜਾਂਚ ਤੋਂ ਬਆਦ ਛਾਤੀ ਦੇ ਕੈਂਸਰ ਲਈ, ਬੱਚੇਦਾਨੀ ਦੇ ਕੈਂਸਰ ਲਈ, ਗਦੂਦਾ ਦੇ ਕੈਂਸਰ ਲਈ, ਹੱਡੀਆ ਲਈ, ਮੂੰਹ ਅਤੇ ਗਲੇ ਆਦਿ ਦੀ ਜਾਂਚ ਕੀਤੀ ਗਈ | ਜਰੂਰਤਮੰਦਾ ਨੂੰ ਐਨਕਾਂ, ਦਵਾਈਆ ਵੀ ਦਿੱਤੀਆ ਗਈਆ | ਇਸ ਮੌਕੇ ਡਾ. ਜਸਪ੍ਰੀਤ ਸਿੰਘ, ਡਾ. ਅਮਨਪ੍ਰੀਤ ਕੌਰ, ਡਾ. ਅਭੀਸ਼ੇਕ, ਡਾ. ਪ੍ਰਭਜੋਤ ਕੌਰ, ਡਾ. ਸੁਖਦੇਵ, ਡਾ. ਰਵਦੀਪ, ਸੁਰਿੰਦਰ ਕੁਮਾਰ ਪਿੰਕੀ ਆੜ੍ਹਤੀਆ ਆਦਿ ਹਾਜ਼ਰ ਸਨ |