ਮੋਗਾ, 4 ਦਸੰਬਰ (ਅਸ਼ੋਕ ਬਾਂਸਲ)-ਸ਼੍ਰੀ ਬਾਬਾ ਲਾਲ ਦਿਆਲ ਮਹਾਰਾਜ ਦੀ ਕਿ੍ਪਾ ਨਾਲ ਅਤੇ ਸ਼੍ਰੀ ਰਾਮ ਸੁੰਦਰ ਦਾਸ ਮਹਾਰਾਜ, ਦੇਵਚਾਰੀਆ ਦਰਬਾਰ ਸ਼੍ਰੀ ਧਿਆਨਪੁਰ ਧਾਮ ਦੇ ਅਸ਼ੀਰਵਾਦ ਤੇ ਆਗਿਆ ਨਾਲ ਸਾਈਾ ਧਾਮ ਕੋਟਕਪੂਰਾ ਬਾਈਪਾਸ ਨੇੜੇ ਸ਼੍ਰੀ ਲਾਲ ਦੁਆਰਾ ਮੰਦਰ ਮੋਗਾ ਵਿਖੇ ਕਲਸ਼ ਸਥਾਪਨਾ ਤੇ ਪੂਜਾ ਅਰਚਨਾ 7 ਦਸੰਬਰ ਦਿਨ ਐਤਵਾਰ ਨੂੰ ਹੋਵੇਗੀ | ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਮੰਦਰ ਦੇ ਮੁੱਖ ਸੇਵਕ ਰਾਜਿੰਦਰ ਵਧਵਾ, ਕੁਲਦੀਪ ਵਧਵਾ, ਰਮੇਸ਼ ਵਧਵਾ, ਰਿਸ਼ੀ ਕਪੂਰ, ਨਵੀਨ ਸਿੰਗਲਾ ਗ੍ਰੇਟ ਪੰਜਾਬ ਪਿ੍ੰਟਰ ਵਾਲੇ, ਅਸ਼ਵਨੀ ਕੁਮਾਰ ਧਰਮਕੋਟ ਆਦਿ ਸੇਵਕਾਂ ਨੇ ਕਲਸ਼ ਪੂਜਨ ਦੇ ਇਸ ਸ਼ੁੱਭ ਮੌਕੇ 'ਤੇ ਸਾਰਿਆਂ ਨੂੰ ਹਾਰਦਿਕ ਵਧਾਈਆਂ ਤੇ ਸ਼ੁੱਭਕਾਮਨਾਵਾਂ ਦਿੱਤੀਆਂ | ਉਨ੍ਹਾਂ ਕਿਹਾ ਕਿ ਸ਼੍ਰੀ ਬਾਵਾ ਲਾਲ ਮਹਾਰਾਜ ਵਲੋਂ ਸਾਰੇ ਸੇਵਕ ਪਰਿਵਾਰਾਂ ਨੂੰ ਸੱਦਾ ਦਿੱਤਾ ਗਿਆ ਹੈ ਤੇ ਸਾਰੇ ਸੇਵਕਾਂ ਨੂੰ ਇਸ ਸ਼ੁੱਭ ਮੌਕੇ 'ਤੇ ਕਲਸ਼ ਪੂਜਨ ਵਿਚ ਆਉਣਾ ਚਾਹੀਦਾ ਹੈ ਤੇ ਆਪਣਾ ਜੀਵਨ ਸਫਲ ਬਣਾਉਣਾ ਚਾਹੀਦਾ ਹੈ |
