ਫ਼ਤਹਿਗੜ੍ਹ ਸਾਹਿਬ 23 ਸਤੰਬਰ (ਰਾਜਿੰਦਰ ਸਿੰਘ)-ਸੰਗੀਤ ਸਮਰਾਟ ਚਰਨਜੀਤ ਅਹੂਜਾ ਜੋ ਪਿਛਲੇ ਦਿਨੀਂ ਅਕਾਲ ਚਲਾਣਾ ਕਰ ਗਏ, ਦੀ ਮੌਤ ਉੱਤੇ ਇਸ ਇਲਾਕੇ ਦੇ ਸੰਗੀਤ ਪ੍ਰੇਮੀਆਂ ਨੇ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕੀਤਾ | ਜਿਨ੍ਹਾਂ 'ਚ ਮੰਗਤ ਰਾਮ, ਪਰਮਿੰਦਰ ਸਿੰਘ ਪੰਮੀ, ਬਲਜੀਤ ਸਿੰਘ, ਇੰਦਰਜੀਤ ਸਿੰਘ ਬਠਲਾ, ਐਡਵੋਕੇਟ ਜੇ.ਪੀ.ਐਸ. ਬੱਤਰਾ, ਜਸਵਿੰਦਰ ਸਿੰਘ ਜੱਸੀ, ਸੁਖਵੀਰ ਸਿੰਘ ਸੁੱਖੀ, ਮਾਸਟਰ ਮੋਹਨ ਸਿੰਘ, ਨਰਿੰਦਰ ਕੋਸ਼ਲ, ਅਨੁਪਮ ਸ਼ਰਮਾ, ਸੰਜੀਵ ਭਾਰਦਵਾਜ, ਗੁਰਸ਼ਰਨ ਸਿੰਘ ਮਸਕੀਨ, ਅਵਤਾਰ ਜੱਸਲ ਤੇ ਜਤਿੰਦਰ ਕੁਮਾਰ ਸ਼ਾਮਿਲ ਸਨ, ਨੇ ਆਖਿਆ ਕਿ ਜਿੰਨ੍ਹੇ ਵੀ ਪੰਜਾਬ ਅਤੇ ਪੰਜਾਬ ਤੋਂ ਬਾਹਰ ਦੇ ਨਾਮਵਰ ਗਾਇਕ ਹਨ, ਉਨ੍ਹਾਂ ਸਾਰਿਆਂ ਨੇ ਚਰਨਜੀਤ ਅਹੂਜਾ ਦਾ ਆਸ਼ੀਰਵਾਦ ਤੇ ਸੰਗੀਤ ਲੈ ਕੇ ਨਾਮਣਾ ਖੱਟਿਆ | ਉਨ੍ਹਾਂ ਆਖਿਆ ਕਿ ਪੰਜਾਬੀ ਸੰਗੀਤ ਇੰਡਸਟਰੀ ਨੂੰ ਚਰਨਜੀਤ ਅਹੂਜਾ ਦੀ ਦੇਣ ਹਮੇਸ਼ਾ ਯਾਦ ਰੱਖੀ ਜਾਵੇਗੀ |
