ਮੁਕਤਸਰ

ਪੰਜਾਬ ਸਰਕਾਰ ਨੂੰ ਆਖਰਕਾਰ ਲੋਕਾਂ ਦੇ ਸੰਘਰਸ਼ ਅੱਗੇ ਝੁਕਣਾ ਪਿਆ- ਡਾ. ਭਗਤੂਆਣਾ

ਅ

ਅਜੀਤ ਡੈਸਕ 10-11-2026

ਜੈਤੋ, 9 ਨਵੰਬਰ (ਗੁਰਚਰਨ ਸਿੰਘ ਗਾਬੜੀਆ)-ਸਮਾਜ ਸੇਵਕ ਅਤੇ ਯੂਥ ਐਵਾਰਡੀ ਡਾ. ਗੁਰਚਰਨ ਭਗਤੂਆਣਾ ਨੇ ਕਿਹਾ ਕਿ ਲੋਕਾਂ ਦੁਆਰਾ ਚੁਣੀਆਂ ਹੋਈਆਂ ਸਰਕਾਰਾਂ ਹੀ ਲੋਕਾਂ ਅੱਗੇ ਝੁਕਦੀਆਂ ਹਨ ਕਿਉਂਕਿ ਬੀਤੇ ਦਿਨੀਂ ਨਸ਼ਿਆਂ ਖ਼ਿਲਾਫ਼ ਲੜਾਈ ਲੜਦਿਆਂ ਮਾਨਸਾ ਦੇ ਸ਼ਹੀਦ ਹੋਏ ਪਰਵਿੰਦਰ ਸਿੰਘ ਝੋਟਾ ਦੀ ਮੌਤ ਤੋਂ ਬਾਅਦ ਭਾਵੇਂ ਸਭ ਤੋਂ ਪਹਿਲਾਂ ਲੱਖਾ ਸਿਧਾਣਾ ਅਤੇ ਭਾਨਾ ਸਿੱਧੂ ਡਟੇ ਸਨ ਪਰ ਪਰਵਿੰਦਰ ਝੋਟਾ ਐਕਸ਼ਨ ਕਮੇਟੀ, ਐਂਟੀ ਡਰੱਗ ਟਾਸਕ ਫ਼ੋਰਸ, ਸ਼੍ਰੋਮਣੀ ਅਕਾਲੀ ਦਲ, ਸ਼੍ਰੋਮਣੀ ਅਕਾਲੀ ਦਲ ਮਾਨ, ਅਕਾਲੀ ਦਲ ਵਾਰਿਸ ਪੰਜਾਬ ਦੇ, ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ, ਕਾਂਗਰਸ, ਪੰਜਾਬ ਨਾਮਾ, ਬੀ.ਕੇ.ਯੂ ਸਿੱਧੂਪੁਰ, ਪੰਜਾਬ ਕਿਸਾਨ ਯੂਨੀਅਨ, ਬੀ.ਜੇ.ਪੀ., ਸੀ.ਪੀ.ਆਈ, ਸੀ.ਪੀ.ਆਈ, ਐਮ.ਐਲ. ਲਿਬਰੇਸ਼ਨ, ਵਪਾਰ ਮੰਡਲ, ਐਸ.ਕੇ.ਐਮ., ਬੀ.ਕੇ.ਯੂ. ਕ੍ਰਾਂਤੀ, ਬੀ.ਕੇ.ਯੂ ਡਕੌਂਦਾ, ਆਰ.ਵਾਲੀ.ਏ, ਐਨ.ਬੀ.ਐਸ, ਕੇ.ਕੇ.ਯੂ, ਪੀ.ਐਸ.ਯੂ, ਡੀ.ਟੀ.ਐਫ਼., ਡੀ.ਐਮ.ਐਫ਼ ਅਤੇ ਮਜ਼ਦੂਰ ਮੁਕਤੀ ਮੋਰਚਾ ਆਦਿ ਜਥੇਬੰਦੀਆਂ ਸ਼ਾਮਿਲ ਸਨ। ਉਨ੍ਹਾਂ ਕਿਹਾ ਕਿ ਭੜਕਾਊ ਕਿਸਮ ਦੇ ਅਨਸਰ ਇਹ ਪ੍ਰਚਾਰ ਕਰ ਰਹੇ ਹਨ ਕਿ ਕਾਮਰੇਡਾਂ ਨੇ ਮੋਰਚਾ ਵੇਚ ਦਿੱਤਾ ਹੈ ਅਤੇ ਝੋਟਾ ਦੇ ਪਿਤਾ ਲਾਲਚ ਵਿਚ ਆ ਕੇ ਸਰਕਾਰ ਨਾਲ ਸਮਝੌਤਾ ਕਰ ਗਿਆ। ਇਹ ਇਲਜ਼ਾਮ ਗ਼ਲਤ ਤੇ ਭੜਕਾਊ ਹਨ। ਡਾ. ਭਗਤੂਆਣਾ ਨੇ ਕਿਹਾ ਕਿ ਨਾ ਤਾਂ ਝੋਟੇ ਦਾ ਪਰਿਵਾਰ ਕਿਸੇ ਲਾਲਚ ਵਿਚ ਆਇਆ ਹੈ ਅਤੇ ਨਾ ਹੀ ਕਿਸਾਨ ਆਗੂਆਂ ਸੁਰਜੀਤ ਫੂਲ, ਜੋਗਿੰਦਰ ਉਗਰਾਹਾਂ ਜਿਨ੍ਹਾਂ ਨੂੰ ਕਾਮਰੇਡ ਕਿਹਾ ਜਾ ਰਿਹਾ ਨੇ ਮੋਰਚਾ ਵੇਚਿਆ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰਾਂ ਲੋਕ ਹੀ ਚੁਣਦੇ ਹਨ ਅਤੇ ਸਰਕਾਰਾਂ ਨੂੰ ਲੋਕਾਂ ਅੱਗੇ ਝੁਕਣਾ ਪੈਂਦਾ ਹੈ। ਮੋਰਚੇ ਦੀਆਂ ਮੰਗਾਂ ਜਾਇਜ਼ ਸਨ ਇਸੇ ਕਰਕੇ ਸਰਕਾਰ ਨੇ ਮੰਨੀਆਂ ਹਨ।

ਪਿਛਲੀ ਖ਼ਬਰ ਪੰਜਾਬ ਡਿਗਰੀ ਕਾਲਜ ਵਿਖੇ ਦੀਵਾਲੀ ਮੌਕੇ ‘ਧਰਤੀ ਬਚਾਓ’ ਸੈਮੀਨਾਰ ਕਰਵਾਇਆ ਅਗਲੀ ਖ਼ਬਰ ਮੋਟਰਸਾਈਕਲ ਸਵਾਰ ਨੂੰ ਬਚਾਉਂਦਿਆਂ ਕਾਰ ਦਰੱਖਤ ’ਚ ਵੱਜੀ, ਜਾਨੀ ਨੁਕਸਾਨ ਹੋਣ ਤੋਂ ਬਚਾਅ