ਕਪੂਰਥਲਾ, 22 ਜਨਵਰੀ (ਵਿ.ਪ੍ਰ.)-ਕਪੂਰਥਲਾ ਜ਼ਿਲ੍ਹੇ ਦੇ 561 ਪਿੰਡਾਂ ਦੇ ਖ਼ਸਰਿਆਂ ਦਾ ਡਿਜੀਟਲ ਕਰਾਪ ਸਰਵੇ ਕਰਵਾਉਣ ਲਈ ਯੋਗ ਉਮੀਦਵਾਰਾਂ ਤੋਂ 26 ਜਨਵਰੀ ਸ਼ਾਮ 5 ਵਜੇ ਤੱਕ ਬਿਨੈ ਪੱਤਰਾਂ ਦੀ ਮੰਗ ਕੀਤੀ ਗਈ ਹੈ | ਡਿਪਟੀ ਕਮਿਸ਼ਨਰ ਕਪੂਰਥਲਾ ਅਮਿਤ ਕੁਮਾਰ ਪੰਚਾਲ ਨੇ ਕਿਹਾ ਕਿ ਡਿਜੀਟਲ ਕਰਾਪ ਸਰਵੇ ਕਰਵਾਉਣ ਲਈ ਪ੍ਰਾਈਵੇਟ ਸਰਵੇਅਰ ਨੂੰ ਮਾਨ ਭੇਟਾਂ ਦੇ ਆਧਾਰ 'ਤੇ 10 ਰੁਪਏ ਪ੍ਰਤੀ ਵੈਰੀਫਾਈਡ ਖ਼ਸਰਾ/ਪਲਾਟ ਲਈ ਦਿੱਤੇ ਜਾਣਗੇ | ਉਨ੍ਹਾਂ ਕਿਹਾ ਕਿ ਡਿਜੀਟਲ ਕਰਾਪ ਸਰਵੇ ਦੌਰਾਨ ਡਾਟਾ ਇਕੱਠਾ ਕਰਨ ਲਈ ਸਬੰਧਿਤ ਉਮੀਦਵਾਰ ਨੂੰ ਐਂਡਰਾਇਡ ਫ਼ੋਨ 'ਤੇ ਮੋਬਾਈਲ ਐਪਲੀਕੇਸ਼ਨ ਚਲਾਉਣ ਦੀ ਜਾਣਕਾਰੀ ਦਿੱਤੀ ਜਾਵੇਗੀ |
