ਰਤੀਆ, 29 ਜਨਵਰੀ (ਬੇਅੰਤ ਕੌਰ ਮੰਡੇਰ)-ਲੋਕ ਚੇਤਨਾ ਮੰਚ ਹਰਿਆਣਾ ਵਲੋਂ ਮਹਾਂ ਕਵੀ ਭਾਈ ਸੰਤੋਖ ਸਿੰਘ ਪੁਰਸਕਾਰ ਜੇਤੂ ਸਾਹਿਤਕਾਰ ਡਾ. ਨਾਇਬ ਸਿੰਘ ਮੰਡੇਰ ਦੁਆਰਾ ਲਿਖਿਆ ਮਿੰਨੀ ਕਹਾਣੀ ਸੰਗ੍ਰਹਿ 'ਦਿਲਾਂ ਦੀ ਸਾਂਝ' ਤੇ ਗੋਪਾਲ ਚੰਦ ਕੁਲਰੀਆਂ ਦੁਆਰਾ ਅਨੁਵਾਦਿਤ ਕਿਤਾਬ 'ਕੂੰਜਾਂ ਕੁਰਲਾਉਂਦੀਆਂ' ਕੱਲ੍ਹ ਸ਼ਾਮ 4 ਵਜੇ ਲਾਇਨਜ਼ ਕਲੱਬ ਰਤੀਆ ਟਾਊਨ ਦੀ ਸਰਪ੍ਰਸਤੀ ਹੇਠ ਸਾਹਿਤਕ ਪ੍ਰੋਗਰਾਮ 'ਚ ਲੋਕ ਅਰਪਣ ਸਮਾਰੋਹ ਦਾ ਆਯੋਜਨ ਕੀਤਾ ਜਾਵੇਗਾ | ਜਨਰਲ ਸਕੱਤਰ ਕਿ੍ਸ਼ਨ ਸਿੰਘ ਚਿੱਤਰਕਾਰ ਨੇ ਦੱਸਿਆ ਕਿ ਪ੍ਰਸਿੱਧ ਆਲੋਚਕ ਤੇ ਕਹਾਣੀ ਲੇਖਕ ਨਿਰੰਜਨ ਬੋਹਾ ਇਨ੍ਹਾਂ ਪੁਸਤਕਾਂ 'ਤੇ ਚਰਚਾ ਸਮਾਗਮ 'ਚ ਮੁੱਖ ਬੁਲਾਰੇ ਹੋਣਗੇ | ਵਿਚਾਰ ਚਰਚਾ 'ਚ ਨਾਵਲਕਾਰ ਅਜ਼ੀਜ਼ ਸਰੋਏ, ਕਵੀ ਦਿਲਬਾਗ ਰਿਉਂਦ, ਲੇਖਕ ਗੁਲਾਬ ਸਿੰਘ, ਜਗਜਤਿੰਦਰ ਸਿੰਘ, ਕਵੀ ਮਨਜੀਤ ਸਿੰਘ ਰਤਨਗੜ੍ਹ ਹਿੱਸਾ ਲੈਣਗੇ | ਸਮਾਗਮ 'ਚ ਸਮਾਜ ਸੇਵੀ ਤੇਜਿੰਦਰ ਸਿੰਘ ਅÏਜਲਾ, ਕਲੱਬ ਪ੍ਰਧਾਨ ਹਰਬੀਰ ਸਿੰਘ ਜੌੜਾ, ਜ਼ੋਨ ਚੇਅਰਮੈਨ ਪ੍ਰਦੀਪ ਬਾਂਸਲ, ਰਾਜੂ ਅਰੋੜਾ, ਕੈਪਟਨ ਗੁਰਮੁੱਖ ਸਿੰਘ ਭੁੱਲਰ, ਸੁਰਜੀਤ ਸਿੰਘ ਸ਼ਿਮਲਾਪੁਰੀ ਵਿਸ਼ੇਸ਼ ਮਹਿਮਾਨ ਹੋਣਗੇ |
