ਮੁੰਬਈ, 20 ਅਪ੍ਰੈਲ (ਪੀ.ਟੀ.ਆਈ.)-ਬੰਬੇ ਹਾਈ ਕੋਰਟ ਨੇ ਮਹਾਨ ਪਹਿਲਵਾਨ ਖਾਸ਼ਾਬਾ ਦਾਦਾਸਾਹਿਬ ਜਾਧਵ (ਕੇ.ਡੀ. ਜਾਧਵ) ਨੂੰ ਮਰਨ ਉਪਰੰਤ 'ਪਦਮ ਵਿਭੂਸ਼ਣ' ਪ੍ਰਦਾਨ ਕਰਨ ਸੰਬੰਧੀ ਇਕ ਮਹੱਤਵਪੂਰਨ ਫੈਸਲਾ ਸੁਣਾਇਆ ਹੈ | ਹਾਈ ਕੋਰਟ ਦੀ ਕੋਲਹਾਪੁਰ ਬੈਂਚ ਨੇ ਕੇਂਦਰ ਸਰਕਾਰ ਨੂੰ ਇਸ ਮਾਮਲੇ 'ਤੇ 4 ਮਈ ਤੱਕ ਫੈਸਲਾ ਲੈਣ ਦਾ ਨਿਰਦੇਸ਼ ਦਿੱਤਾ ਹੈ | ਜਸਟਿਸ ਮਾਧਵ ਜੇ. ਜਮਦਾਰ ਅਤੇ ਜਸਟਿਸ ਪ੍ਰਵੀਨ ਐਸ. ਪਾਟਿਲ ਦੀ ਬੈਂਚ ਨੇ 'ਕੁਸ਼ਤੀਵੀਰ ਖਾਸ਼ਾਬਾ ਜਾਧਵ ਫਾਊਾਡੇਸ਼ਨ' ਵਲੋਂ ਦਾਇਰ ਜਨਹਿੱਤ ਪਟੀਸ਼ਨ (ਪੀ.ਆਈ.ਐਲ.) ਦੀ ਸੁਣਵਾਈ ਕੀਤੀ | ਇਸ ਐਨ.ਜੀ.ਓ. ਦੀ ਅਗਵਾਈ ਕੇ.ਡੀ. ਜਾਧਵ ਦੇ ਪੁੱਤਰ ਰਣਜੀਤ ਕੇ. ਜਾਧਵ ਕਰ ਰਹੇ ਹਨ |