ਹਾਕੀ ਵਿਸ਼ਵ ਕੱਪ-ਇੰਗਲੈਂਡ ’ਤੋਂ 4-2 ਨਾਲ ਭਾਰਤ ਨੂੰ ਮਿਲੀ ਹਾਰ

ਐਮਸਟਲਵੀਨ (ਨੀਦਰਲੈਂਡ), 17 ਅਗਸਤ (ਏਜੰਸੀ)-ਭਾਰਤੀ ਪੁਰਸ਼ ਹਾਕੀ ਟੀਮ ਨੂੰ ਐਫ਼. ਆਈ.

ਭ

ਭਾਰਤ ਤੇ ਇੰਗਲੈਂਡ ਵਿਚਾਲੇ ਖੇਡੇ ਗਏ ਮੈਚ ਦਾ ਦ੍ਰਿਸ਼। 18-08-2026

ਐਮਸਟਲਵੀਨ (ਨੀਦਰਲੈਂਡ), 17 ਅਗਸਤ (ਏਜੰਸੀ)-ਭਾਰਤੀ ਪੁਰਸ਼ ਹਾਕੀ ਟੀਮ ਨੂੰ ਐਫ਼.ਆਈ.ਐਚ. ਹਾਕੀ ਵਿਸ਼ਵ ਕੱਪ ਦੇ ਆਪਣੇ ਦੂਜੇ ਮੈਚ ’ਚ ਇੰਗਲੈਂਡ ਤੋਂ 2-4 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਭਾਰਤ ਨੇ ਪੂਲ ਡੀ ਦੀ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਵੇਲਜ਼ ਉੱਤੇ ਜਿੱਤ ਨਾਲ ਕੀਤੀ, ਪਰ ਇੰਗਲੈਂਡ ਵਿਰੁੱਧ ਉਸ ਲੈਅ ਨੂੰ ਬਰਕਰਾਰ ਰੱਖਣ ’ਚ ਅਸਫਲ ਰਿਹਾ। ਇਹ ਇੰਗਲੈਂਡ ਵਿਰੁੱਧ ਆਪਣੇ 32 ਸਾਲਾਂ ਦੇ ਵਿਸ਼ਵ ਕੱਪ ਸੋਕੇ ਨੂੰ ਖਤਮ ਕਰਨ ’ਚ ਅਸਫਲ ਰਿਹਾ। ਭਾਰਤ ਨੇ ਆਖਰੀ ਵਾਰ 1994 ਦੇ ਵਿਸ਼ਵ ਕੱਪ ਵਿਚ ਇੰਗਲੈਂਡ ਨੂੰ ਹਰਾਇਆ ਸੀ। ਇੰਗਲੈਂਡ ਲਈ ਨਿਕੋਲਸ ਬੈਂਡੁਰਾ ਨੇ 13ਵੇਂ ਅਤੇ 54ਵੇਂ ਮਿੰਟ ਵਿਚ ਗੋਲ ਕੀਤੇ, ਜਦੋਂ ਕਿ ਸਟੂਅਰਟ ਰਸ਼ਮੇਰ ਨੇ 38ਵੇਂ ਤੇ ਹੈਨਰੀ ਕ੍ਰਾਫਟ ਨੇ 42ਵੇਂ ਮਿੰਟ ’ਤੇ ਗੋਲ ਕੀਤਾ। ਭਾਰਤ ਲਈ ਕਪਤਾਨ ਹਰਮਨਪ੍ਰੀਤ ਸਿੰਘ (16ਵੇਂ) ਅਤੇ ਦਿਲਪ੍ਰੀਤ ਸਿੰਘ (24ਵੇਂ) ਨੇ ਗੋਲ ਕੀਤੇ। ਇਸ ਮੈਚ ਤੋਂ ਬਾਅਦ, ਭਾਰਤ ਪੂਲ ਡੀ ’ਚ ਦੂਜੇ ਸਥਾਨ ’ਤੇ ਹੈ। ਅੱਜ ਦੇ ਮੈਚ ’ਚ ਇੰਗਲੈਂਡ ਨੇ ਪਹਿਲੇ ਕੁਆਰਟਰ ਵਿੱਚ ਜ਼ਬਰਦਸਤ ਪ੍ਰਦਰਸ਼ਨ ਕੀਤਾ। ਭਾਰਤ ਕੋਲ ਗੋਲ ਕਰਨ ਦੇ ਮੌਕੇ ਵੀ ਸਨ, ਪਰ ਟੀਮ ਉਨ੍ਹਾਂ ਦਾ ਫਾਇਦਾ ਉਠਾਉਣ ’ਚ ਅਸਫਲ ਰਹੀ। ਇਸ ਸਮੇਂ ਦੌਰਾਨ, ਸੁਮਿਤ ਨੂੰ ਗ੍ਰੀਨ ਕਾਰਡ ਮਿਲਿਆ ਤੇ ਉਸਨੂੰ 2 ਮਿੰਟ ਲਈ ਮੈਦਾਨ ਛੱਡਣਾ ਪਿਆ। ਨਤੀਜੇ ਵਜੋਂ, ਭਾਰਤ ਨੂੰ ਪਹਿਲੇ ਹਾਫ ਦੇ ਆਖਰੀ ਮਿੰਟਾਂ ’ਚ 10 ਖਿਡਾਰੀਆਂ ਨਾਲ ਖੇਡਣਾ ਪਿਆ। ਇੰਗਲੈਂਡ ਨੇ ਇਸਦਾ ਫਾਇਦਾ ਉਠਾਇਆ ਤੇ ਇਕ ਗੋਲ ਨਾਲ ਲੀਡ ਹਾਸਲ ਕੀਤੀ। ਇੰਗਲੈਂਡ ਲਈ ਨਿਕੋਲਸ ਬੈਂਡੁਰਾ ਨੇ ਗੋਲ ਕੀਤਾ। ਪਹਿਲੇ ਹਾਫ ’ਚ 0-1 ਨਾਲ ਪਿੱਛੇ ਰਹਿਣ ਤੋਂ ਬਾਅਦ, ਭਾਰਤੀ ਪੁਰਸ਼ ਟੀਮ ਨੇ ਦੂਜੇ ਹਾਫ ਵਿਚ ਜ਼ਬਰਦਸਤ ਵਾਪਸੀ ਕੀਤੀ। ਹਰਮਨਪ੍ਰੀਤ ਸਿੰਘ ਨੇ ਸਕੋਰ ਬਰਾਬਰ ਕੀਤਾ, ਅਤੇ ਕੁਝ ਮਿੰਟਾਂ ਬਾਅਦ, ਦਿਲਪ੍ਰੀਤ ਸਿੰਘ ਨੇ ਗੋਲ ਕਰਕੇ ਟੀਮ ਨੂੰ 2-1 ਦੀ ਲੀਡ ਦਿਵਾਈ। ਫਿਰ ਇੰਗਲੈਂਡ ਨੇ ਗੋਲ ਕਰਨ ਦੇ ਮੌਕੇ ਬਣਾਏ ਤੇ ਇਕ ਵਾਰ ਸਫਲ ਰਿਹਾ, ਪਰ ਉਨ੍ਹਾਂ ਦਾ ਗੋਲ ਅਸਵੀਕਾਰ ਕਰ ਦਿੱਤਾ ਗਿਆ। ਇਸ ਤਰ੍ਹਾਂ, ਭਾਰਤ 2-1 ਨਾਲ ਅੱਗੇ ਸੀ। ਇੰਗਲੈਂਡ ਨੇ ਤੀਜੇ ਕੁਆਰਟਰ ’ਚ ਦਬਦਬਾ ਬਣਾਇਆ। ਇੰਗਲੈਂਡ ਲਈ ਸਟੂਅਰਟ ਰਸ਼ਮੀਅਰ ਨੇ ਬਰਾਬਰੀ ਕੀਤੀ। ਫਿਰ, ਸਿਰਫ਼ ਚਾਰ ਮਿੰਟ ਬਾਅਦ, ਹੈਨਰੀ ਕ੍ਰਾਫਟ ਨੇ ਗੋਲ ਕਰਕੇ ਇੰਗਲੈਂਡ ਨੂੰ 3-2 ਦੀ ਬੜ੍ਹਤ ਦਿਵਾਈ। ਇਸ ਤਰ੍ਹਾਂ, ਇੰਗਲੈਂਡ ਨੇ ਤੀਜੇ ਕੁਆਰਟਰ ’ਚ 2 ਗੋਲ ਕੀਤੇ, ਜਦੋਂ ਕਿ ਭਾਰਤੀ ਟੀਮ ਇਕ ਵੀ ਗੋਲ ਕਰਨ ’ਚ ਅਸਫਲ ਰਹੀ। ਚੌਥੇ ਕੁਆਰਟਰ ’ਚ ਇੰਗਲੈਂਡ ਦਾ ਹਮਲਾਵਰ ਖੇਡ ਜਾਰੀ ਰਿਹਾ, ਜਿਸ ਵਿਚ ਨਿੱਕ ਬੈਂਡੁਰਕ ਨੇ ਗੋਲ ਕਰਕੇ ਟੀਮ ਨੂੰ 4-2 ਦੀ ਬੜ੍ਹਤ ਦਿਵਾਈ। ਇਸ ਹਾਰ ਨੇ ਟੂਰਨਾਮੈਂਟ ਵਿਚ ਅੱਗੇ ਵਧਣ ਦੀਆਂ ਉਸਦੀਆਂ ਸੰਭਾਵਨਾਵਾਂ ਨੂੰ ਝਟਕਾ ਦਿੱਤਾ ਹੈ। ਭਾਰਤ 2 ਮੈਚਾਂ ਵਿੱਚੋਂ ਤਿੰਨ ਅੰਕਾਂ ਨਾਲ ਦੂਜੇ ਸਥਾਨ ’ਤੇ ਹੈ। ਇਸ ਦੌਰਾਨ, ਇੰਗਲੈਂਡ ਨੇ ਆਪਣੇ ਦੋਵੇਂ ਸ਼ੁਰੂਆਤੀ ਮੈਚ ਜਿੱਤੇ ਹਨ ਤੇ 6 ਅੰਕਾਂ ਨਾਲ ਟੇਬਲ ’ਚ ਮੋਹਰੀ ਹੈ। ਭਾਰਤ ਹੁਣ 19 ਅਗਸਤ ਨੂੰ ਪਾਕਿਸਤਾਨ ਦਾ ਸਾਹਮਣਾ ਕਰੇਗਾ। ਭਾਰਤ ਨੂੰ ਆਪਣੀਆਂ ਉਮੀਦਾਂ ਨੂੰ ਜ਼ਿੰਦਾ ਰੱਖਣ ਲਈ ਪਾਕਿਸਤਾਨ ਨੂੰ ਮਹੱਤਵਪੂਰਨ ਫਰਕ ਨਾਲ ਹਰਾਉਣ ਦੀ ਜ਼ਰੂਰਤ ਹੋਏਗੀ।

ਪਿਛਲੀ ਖ਼ਬਰ ਪਾਕਿਸਤਾਨ ਵਿਰੁੱਧ ਭਾਰਤ ਲਈ ‘ਕਰੋ ਜਾਂ ਮਰੋ’ ਦੀ ਟੱਕਰ ਅਗਲੀ ਖ਼ਬਰ ਗਾਲੇ ਟੈਸਟ-ਭਾਰਤ ਨੇ 178 ਦੌੜਾਂ ਦੀ ਬੜਤ ਕੀਤੀ ਦਰਜ