ਆਈ. ਪੀ. ਐਲ. ਦੇ ਕੁਝ ਨਿਯਮਾਂ 'ਚ ਬਦਲਾਅ ਦੀ ਲੋੜ-ਤੇਂਦੁਲਕਰ

ਮੁੰਬਈ, 31 ਮਈ (ਪੀ. ਟੀ. ਆਈ.)-ਮਹਾਨ ਬੱਲੇਬਾਜ਼ ਸਚਿਨ ਤੇਂਦੁਲਕਰ ਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐਲ.) 'ਚ ਬੱਲੇਬਾਜ਼ੀ ਅਤੇ ਗੇਂਦ ਨੂੰ ਸੰਤੁਲਿਤ ਕਰਨ ਲਈ ਵਿਵਾਦਪੂਰਨ ਇਮਪੈਕਟ ਪਲੇਅਰ ਨਿਯਮ ਨੂੰ ਖਤਮ ਕਰਨ ਦੀ ਵਕਾਲਤ ਕੀਤੀ ਹੈ ਤੇ ਹੋਰ ਬਦਲਾਅ ਵੀ ਸੁਝਾਏ ਹਨ¢ ਇਮਪੈਕਟ ਪਲੇਅਰ ਨਿਯਮ 2023 'ਚ ਆਈ. ਪੀ. ਐਲ. 'ਚ ਪੇਸ਼ ਕੀਤਾ ਗਿਆ ਸੀ | ਇਸ ਨਿਯਮ ਦੇ ਤਹਿਤ, ਟੀਮਾਂ ਪਲੇਇੰਗ ਇਲੈਵਨ 'ਚ ਇਕ ਖਿਡਾਰੀ ਨੂੰ ਪੰਜ ਪਹਿਲਾਂ ਤੋਂ ਐਲਾਨੇ ਗਏ ਸੰਭਾਵੀ ਖਿਡਾਰੀਆਂ ਵਿਚੋਂ ਇਕ ਨਾਲ ਬਦਲ ਸਕਦੀਆਂ ਹਨ | ਇਸ ਸੰਬੰਧੀ ਉਨ੍ਹਾਂ ਕਿਹਾ ਕਿ ਮੇਰੀ ਨਿੱਜੀ ਰਾਏ ਇਹ ਹੈ ਕਿ 'ਇਮਪੈਕਟ ਪਲੇਅਰ' ਨਿਯਮ ਨੂੰ ਖਤਮ ਕਰ ਦੇਣਾ ਚਾਹੀਦਾ ਹੈ | ਮੈਨੂੰ ਲੱਗਦਾ ਹੈ ਕਿ ਟੀ-20 ਫਾਰਮੈਟ ਵਿਚ, ਤੁਹਾਨੂੰ ਸਿਰਫ਼ 20 ਓਵਰ ਖੇਡਣੇ ਪੈਂਦੇ ਹਨ | ਫਿਰ ਤੁਸੀਂ ਉਸ ਲਾਈਨਅੱਪ 'ਚ ਇਕ ਹੋਰ ਬੱਲੇਬਾਜ਼ ਜੋੜਦੇ ਹੋ | ਮੈਂ ਇੱਕ ਅਸੰਤੁਲਨ ਦੇਖਦਾ ਹਾਂ ਜਿੱਥੇ ਗੇਂਦਬਾਜ਼ ਪਹਿਲਾਂ ਹੀ ਚੁਣੌਤੀਆਂ ਦਾ ਸਾਹਮਣਾ ਕਰਦੇ ਹਨ | ਪਿਛਲੇ ਕੁਝ ਸੀਜ਼ਨਾਂ 'ਚ ਆਈ. ਪੀ. ਐਲ. ਨੇ ਬੱਲੇਬਾਜ਼ਾਂ ਦੇ ਹੱਕ 'ਚ ਖੇਡ ਦੇ ਸੰਤੁਲਨ ਨੂੰ ਕਾਫ਼ੀ ਹੱਦ ਤੱਕ ਝੁਕਾਇਆ ਹੈ ਤੇ ਤੇਂਦੁਲਕਰ ਦਾ ਮੰਨਣਾ ਹੈ ਕਿ ਇਸ ਨਿਯਮ ਨੇ ਬੱਲੇ ਤੇ ਗੇਂਦ ਵਿਚਕਾਰ ਪਹਿਲਾਂ ਤੋਂ ਮÏਜੂਦ ਅਸਮਾਨਤਾ ਨੂੰ ਹੋਰ ਵਧਾ ਦਿੱਤਾ ਹੈ | ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ ਤੇ ਸਾਬਕਾ ਕਪਤਾਨ ਰੋਹਿਤ ਸ਼ਰਮਾ ਸਮੇਤ ਕਈ ਪ੍ਰਮੁੱਖ ਖਿਡਾਰੀਆਂ ਦੁਆਰਾ ਵੀ ਇਸ ਨਿਯਮ ਦੀ ਆਲੋਚਨਾ ਕੀਤੀ ਗਈ ਹੈ | ਉਨ੍ਹਾਂ ਦਾ ਤਰਕ ਹੈ ਕਿ ਇਹ ਨਿਯਮ ਖੇਡ ਤੋਂ ਹੁਨਰ ਨੂੰ ਹਟਾ ਦਿੰਦਾ ਹੈ ਤੇ ਆਲਰਾਊਾਡਰਾਂ ਦੀ ਮਹੱਤਤਾ ਨੂੰ ਘਟਾਉਂਦਾ ਹੈ |