ਪਟਿਆਲਾ, 19 ਫਰਵਰੀ (ਧਰਮਿੰਦਰ ਸਿੰਘ ਸਿੱਧੂ)-ਡੀ.ਏ.ਵੀ. ਪਬਲਿਕ ਸਕੂਲ, ਪਟਿਆਲਾ ਦੀ ਕਲਾਸ ਸੱਤਵੀਂ ਦੇ ਵਿਦਿਆਰਥੀਆਂ ਨੇ ਅਕਾਦਮਿਕ ਸੈਸ਼ਨ 2025-26 ਦੀਆਂ ਉਪਲਬਧੀਆਂ ਨੂੰ ਦਰਸਾਉਂਦੀ ''ਕ੍ਰਾਨਿਕਲਜ਼ ਆਫ਼ ਐਕਸੀਲੈਂਸ'' ਸਿਰਲੇਖ ਹੇਠ ਇਕ ਸ਼ਾਨਦਾਰ ਪਾਵਰਪੋਇੰਟ ਪ੍ਰਸਤੁਤੀ ਪੇਸ਼ ਕੀਤੀ | ਇਹ ਗਤੀਵਿਧੀ ਵਿਦਿਆਰਥੀਆਂ ਨੂੰ ਨਿਊਜ਼ ਰਿਪੋਰਟਿੰਗ ਦੀ ਤਾਲੀਮ ਦੇਣ ਅਤੇ ਉਨ੍ਹਾਂ ਦੀ ਪ੍ਰਸਤੁਤੀ ਕੌਸ਼ਲ ਨੂੰ ਨਿਖਾਰਨ ਦੇ ਉਦੇਸ਼ ਨਾਲ ਆਯੋਜਿਤ ਕੀਤੀ ਗਈ | ਇਸ ਮੌਕੇ ਵਿਦਿਆਰਥੀਆਂ ਨੇ ਸੁੰਦਰ ਸਲਾਈਡਾਂ, ਆਤਮਵਿਸ਼ਵਾਸ ਨਾਲ ਭਰਪੂਰ ਵਰਣਨ ਅਤੇ ਰਚਨਾਤਮਿਕ ਦਿ੍ਸ਼ਾਂ ਰਾਹੀਂ ਸਾਲ ਭਰ ਦੀਆਂ ਅਕਾਦਮਿਕ ਉਪਲਬਧੀਆਂ, ਸਹਿ-ਪਾਠਕ੍ਰਮ ਗਤੀਵਿਧੀਆਂ, ਸਭਿਆਚਾਰਕ ਪ੍ਰੋਗਰਾਮਾਂ, ਖੇਡਾਂ ਵਿਚ ਪ੍ਰਾਪਤ ਕੀਤੀਆਂ ਸਫਲਤਾਵਾਂ ਅਤੇ ਸਕੂਲ ਦੀਆਂ ਵੱਖ-ਵੱਖ ਪਹਿਲਾਂ ਨੂੰ ਦਰਸਾਇਆ | ਇਸ ਪ੍ਰਸਤੁਤੀ ਨੇ ਵਿਦਿਆਰਥੀਆਂ ਦੇ ਸੰਚਾਰ ਕੌਸ਼ਲ, ਤਕਨੀਕੀ ਦਖ਼ਲ, ਆਤਮਵਿਸ਼ਵਾਸ, ਸਹਿਯੋਗ ਅਤੇ ਨੇਤਿ੍ਤਵ ਗੁਣਾਂ ਨੂੰ ਮਜ਼ਬੂਤ ਕੀਤਾ | ਅਧਿਆਪਕਾਂ ਨੇ ਵਿਦਿਆਰਥੀਆਂ ਦੇ ਜੋਸ਼, ਸਮਨਵਯ ਅਤੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਭਰਪੂਰ ਸਰਾਹਨਾ ਕੀਤੀ | ''ਕ੍ਰਾਨਿਕਲਜ਼ ਆਫ਼ ਐਕਸੀਲੈਂਸ'' ਨੇ ਕਲਾਸ ਸੱਤਵੀਂ ਦੀ ਸਿੱਖਣ ਦੀ ਭਾਵਨਾ, ਰਚਨਾਤਮਿਕਤਾ ਅਤੇ ਉਤਕਿ੍ਸ਼ਟਤਾ ਪ੍ਰਤੀ ਸਮਰਪਣ ਨੂੰ ਦਰਸਾਉਂਦੇ ਹੋਏ ਸੈਸ਼ਨ 2025-26 ਨੂੰ ਯਾਦਗਾਰ ਅਤੇ ਉਪਲਬਧੀਆਂ ਭਰਿਆ ਸਾਲ ਸਾਬਤ ਕੀਤਾ | ਸ੍ਰੀਮਤੀ ਸ਼ੈਲੀ ਕੌਸ਼ੇਸ਼ ਇਸ ਗਤੀਵਿਧੀ ਦੀ ਇੰਚਾਰਜ ਸਨ |
