ਵੱਖ-ਵੱਖ ਮੰਦਰਾਂ 'ਚ ਮਹਾਂਸ਼ਿਵਰਾਤਰੀ ਦਾ ਪਵਿੱਤਰ ਦਿਹਾੜਾ ਸ਼ਰਧਾ ਮਨਾਇਆ <br/>
ਅਜੀਤ ਡੈਸਕ
20-02-2026
ਸ੍ਰੀ ਨੀਲ ਕੰਠ ਮਹਾਦੇਵ ਸਿੰਗਲਾ ਇਨਕਲੇਵ
ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਮਾਰਗ ਸਥਿਤ ਸਿੰਗਲਾ ਇਨਕਲੇਵ ਦੇ ਮੰਦਰ ਸ੍ਰੀ ਨੀਲ ਕੰਠ ਮਹਾਦੇਵ ਵਿਖੇ ਮਹਾਂਸ਼ਿਵਰਾਤਰੀ ਦੇ ਪਵਿੱਤਰ ਦਿਹਾੜੇ ਨੂੰ ਸਮਰਪਿਤ 7 ਫਰਵਰੀ ਤੋਂ ਅੱਜ ਦੁਪਹਿਰ 2 ਵਜੇ ਤੱਕ ਮਹਾਂ ਪ੍ਰਾਣ ਯੱਗ ਕਰਵਾਇਆ ਗਿਆ, ਜਿਸ ਦੌਰਾਨ ਵਿਸ਼ੇਸ਼ ਤੌਰ 'ਤੇ ਸ਼੍ਰੀ ਗੰਗੋਤਰੀ ਧਾਮ ਤੋਂ ਪਹੁੰਚੇ ਰਾਵਲ ਸ਼੍ਰੀ ਸ਼ਿਵ ਪ੍ਰਕਾਸ਼ ਮਹਾਰਾਜ ਵਲੋਂ ਪੁਨਰ ਰਿਧੀ ਯੱਗ ਵਿਚ ਮੁੱਖ ਪ੍ਰਬੰਧਕ ਤਰਸੇਮ ਸਿੰਗਲਾ, ਸਿੰਗਲਾ ਪਰਿਵਾਰ ਅਤੇ ਸ਼ਰਧਾਲੂਆਂ ਸਮੇਤ ਅਹੂਤੀਆਂ ਪਾਉਣ ਉਪਰੰਤ ਕੁਮਾਰ ਸੰਜੀਵ ਗਟੀ ਸੀਰੀਜ, ਅਚਾਰਿਆ ਵਿਨੋਦ ਕਿ੍ਸ਼ਨ ਢੰਡਵਾਲ ਉੱਤਰਾਖੰਡ ਦੁਆਰਾ ਮਹਾਂਦੇਵ ਦੇ ਭਜਨਾਂ ਦਾ ਗੁਣ ਗਾਣ ਕਰਦਿਆਂ ਭਗਤ ਜਣਾਂ ਨੂੰ ਭਗਤੀ ਰੰਗ ਵਿਚ ਰੰਗਿਆ |
ਦਵਾਦਿ੍ਸ਼ ਜੋਅਤੀ ਲਿੰਗ ਮੰਦਰ ਬਸੰਤ ਐਵਨਿਊ
ਬਸੰਤ ਐਵਿਨਿਊ ਸਥਿਤ ਮੰਦਿਰ ਦਵਾਦਿ੍ਸ਼ ਜੋਅਤੀ ਲਿੰਗ ਵਿਖੇ ਬਸੰਤ ਗਰੁੱਪ ਅਤੇ ਗਰਗ ਪਰਿਵਾਰ ਵਲੋਂ ਮਹਾਂਸ਼ਿਵਰਾਤਰੀ ਦਾ ਪਵਿੱਤਰ ਦਿਹਾੜਾ ਬਹੁਤ ਹੀ ਸ਼ਰਧਾ ਸਹਿਤ ਮਨਾਇਆ ਗਿਆ, ਜਿਸ ਦੌਰਾਨ ਸਵੇਰੇ ਸਵਖਤੇ ਤੋਂ ਮਹਾਦੇਵ ਦੇ ਨਾਮ ਦੀ ਭਜਨ ਬੰਦਗੀ ਦਾ ਗੁਣਗਾਨ ਕੀਤਾ ਅਤੇ ਦੁਪਹਿਰ 1 ਵਜੇ ਆਰਤੀ ਕਰਨ ਉਪਰੰਤ ਵਿਸ਼ਾਲ ਭੰਡਾਰਾ ਕਰਵਾਇਆ ਗਿਆ, ਜਿਸ ਦੌਰਾਨ ਮੁੱਖ ਪ੍ਰਬੰਧਕ ਵਿਜੇ ਗਰਗ, ਅਮਿਤ ਗਰਗ, ਜੋਤੀ ਗਰਗ, ਦੀਵਾਨ ਗਰਗ, ਦਿਵਿਆ ਗਰਗ, ਤਰਨੀ ਢੰਡ, ਸਾਬਕਾ ਸਰਪੰਚ ਅਮਰਜੀਤ ਸਿੰਘ ਮਿੱਠਾ, ਭੁਪਿੰਦਰ ਸਿੰਘ ਗਰਚਾ, ਕਪਲ ਗੁਪਤਾ, ਹਨੀਸ਼ ਮਿੱਤਲ, ਕੁਲਦੀਪ ਕਲਸੀ ਆਦਿ ਨੂੰ ਮੰਦਰ ਪ੍ਰਬੰਧਕਾਂ ਵਲੋਂ ਜੀ ਆਇਆਂ ਕਹਿੰਦੇ ਹੋਏ ਫੌਜੀ ਬੈਂਡ ਦੀਆਂ ਮਨਮੋਹਕ ਧੁਨਾਂ ਦੁਆਰਾ ਸ਼ਿਵ ਭਗਤੀ ਦਾ ਗਾਇਣ ਕੀਤਾ |
