ਵੇਰਕਾ, 26 ਮਾਰਚ (ਦੀਦਾਰ ਸਿੰਘ)-ਬੀਤੇ ਦਿਨੀ ਥਾਣਾ ਵੇਰਕਾ ਦੀ ਪੁਲਿਸ ਵਲੋਂ ਕਤਲ ਦੇ ਮਾਮਲੇ 'ਚ ਇਕ ਨਾਬਾਲਗ ਨੂੰ ਕਾਬੂ ਕੀਤਾ ਜਿਸ ਪਾਸੋਂ ਪੁਲਿਸ ਨੇ ਇਕ ਪਿਸਤੌਲ ਵੀ ਬਰਾਮਦ ਕੀਤਾ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਇੰਸਪੈਕਟਰ ਸੁਮਨਦੀਪ ਕੌਰ ਨੇ ਦੱਸਿਆ ਕਿ ਇਹ ਪਰਚਾ ਸ਼ਿਵਾ ਵਾਸੀ ਪੱਤੀ ਬੱਗੇਵਾਲੀ ਵੇਰਕਾ ਵਲੋਂ ਦਰਜ ਕਰਾਇਆ ਗਿਆ ਸੀ ਕਿ 14 ਮਾਰਚ ਨੂੰ ਉਹ ਅਤੇ ਉਸ ਦਾ ਭਰਾ ਕਰਨ ਆਪਣੀ ਦੁਕਾਨ ਬੰਦ ਕਰਕੇ ਘਰ ਦੇ ਬਾਹਰ , ਵਕਤ ਕਰੀਬ 10 ਵਜੇ ਰਾਤ ਪੁੱਜੇ ਤਾਂ ਉਨ੍ਹਾਂ ਦੇ ਗੁਆਢੀ ਕਾਲਾ ਅਤੇ ਮਿੱਠੂ ਅਤੇ ਉਨ੍ਹਾਂ ਦੇ ਆਏ ਉਨ੍ਹਾਂ ਦੇ ਭਾਣਜੇ ਸਹਿਲ,ਅਭੀਸ਼ੇਕ ਸਿੰਘ ਉਰਫ ਅਤੀ, ਭਲਵਾਨ ਵਾਸੀਆਨ ਅਟਾਰੀ ਜੋ ਕਿ ਬਾਹਰ ਹੀ ਗਲੀ ਵਿਚ ਖੜ੍ਹੇ ਸਨ | ਮਾਮਲਾ ਇੱਥੋਂ ਤੱਕ ਵਧ ਗਿਆ ਕਿ ਅਬੀ ਨੇ ਆਪਣੇ ਪਿਸਤੌਲ ਨਾਲ ਮਾਰ ਦੇਣ ਦੀ ਨੀਅਤ ਨਾਲ ਫਾਇਰ ਕਰਕੇ ਮੁਦਈ ਮੁਕੱਦਮਾ ਦੇ ਪਿਤਾ ਬਲਦੇਵ ਸਿੰਘ ਦਾ ਕਤਲ ਕਰ ਦਿੱਤਾ ਸੀ | ਅੱਜ ਥਾਣਾ ਵੇਰਕਾ ਦੀ ਪੁਲਿਸ ਨੇ ਵੱਡੀ ਕਾਰਵਾਈ ਕਰਦੇ ਹੋਏ ਇਕ ਨੌਜਵਾਨ ਜਿਸ ਦੀ ਉਮਰ ਕੇਵਲ 17 ਸਾਲ ਹੈ, ਨੂੰ ਪਿਸਟਲ ਸਮੇਤ ਕਾਬੂ ਕਰ ਲਿਆ ਹੈ |
