ਮਾਛੀਵਾੜਾ ਸਾਹਿਬ (ਲੁਧਿਆਣਾ), 5 ਅਕਤੂਬਰ (ਮਨੋਜ ਕੁਮਾਰ)- ਫੂਡ ਸਪਲਾਈ ਵਿਭਾਗ ਦੇ ਅਧਿਕਾਰੀਆਂ ਵਲੋਂ ਸ਼ੈਲਰ ਮਾਲਕਾ ਨੂੰ ਦਿੱਤੇ ਅਲਟੀਮੇਟਮ ਦੇ ਸਮੇਂ ਤੋਂ ਪਹਿਲਾਂ ਹੀ ਸਥਾਨਕ ਸ਼ੈਲਰ ਮਾਲਕਾ ਨੇ ਲਿਫਟਿੰਗ ਦਾ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਜਾਣਕਾਰੀ ਦਿੰਦਿਆਂ ਵਿਭਾਗ ਦੇ ਅਧਿਕਾਰੀ ਯਾਦਵਿੰਦਰ ਸਿੰਘ ਨੇ ਦੱਸਿਆ ਕਿ ਫਿਲਹਾਲ ਅੱਜ ਕੁਝ ਸ਼ੈਲਰ ਮਾਲਕਾ ਨੇ ਲਿਫਟਿੰਗ ਦੀ ਸ਼ੁਰੂਆਤ ਕੀਤੀ ਹੈ ਅਤੇ ਅਗਲੇ ਦਿਨਾਂ ਦੋਰਾਨ ਇਹ ਰਫ਼ਤਾਰ ਹੋਰ ਵੀ ਤੇਜ਼ ਹੋ ਜਾਵੇਗੀ।
ਅਸਲ ਵਿਚ ਸਥਾਨਕ ਅਨਾਜ ਮੰਡੀ ਵਿਚ ਲਿਫਟਿੰਗ ਨਾ ਹੋਣ ਕਰਕੇ ਹਰ ਪਾਸੇ ਝੋਨੇ ਨਾਲ ਭਰੇ ਕੱਟਿਆਂ ਦੇ ਵੱਡੇ ਵੱਡੇ ਅੰਬਾਰ ਲੱਗ ਗਏ ਹਨ ਤੇ ਦੂਸਰੇ ਪਾਸੇ ਸਥਾਨਕ ਸੈਟਰ ਅਧੀਨ ਆਉਂਦੇ ਸ਼ੈਲਰ ਮਾਲਕਾ ਨੇ ਹੜਤਾਲ ਕੀਤੀ ਹੋਈ ਸੀ ਪਰ ਵਿਭਾਗ ਦੇ ਸਖ਼ਤ ਰੁੱਖ ਤੋਂ ਬਾਅਦ ਸ਼ੈਲਰ ਮਾਲਕਾ ਨੇ ਆਪਣਾ ਰੁੱਖ ਬਦਲਿਆ ਤੇ ਫਿਲਹਾਲ ਲਿਫਟਿੰਗ ਦੀ ਸੁਰੂਆਤ ਹੋਈ।
