ਬਟਾਲਾ, 7 ਮਈ (ਸਤਿੰਦਰ ਸਿੰਘ)-ਐੱਸ.ਐੱਸ. ਬਾਜਵਾ ਮੈਮੋਰੀਅਲ ਪਬਲਿਕ ਸਕੂਲ ਕਾਦੀਆਂ ਜੋ ਸੀ.ਬੀ.ਐਸ.ਈ. ਤੋਂ ਮਾਨਤਾ ਪ੍ਰਾਪਤ ਹੈ, ਦੇ ਜੂਨੀਅਰ ਵਿੰਗ ਵਿਖੇ ਸਕੂਲ ਮੁੱਖ ਅਧਿਆਪਕ ਤੇਜਿੰਦਰ ਸ਼ਰਮਾ ਦੀ ਅਗਵਾਈ ਹੇਠ ਪ੍ਰਾਇਮਰੀ ਵਿਭਾਗ ਦੇ ਬੱਚਿਆਂ ਦੇ ਸੁੰਦਰ ਲਿਖਾਈ ਮੁਕਾਬਲੇ ਕਰਵਾਏ ਗਏ | ਇਨ੍ਹਾਂ ਮੁਕਾਬਲਿਆਂ 'ਚ ਪਹਿਲੀ ਜਮਾਤ ਤੋਂ ਚੌਥੀ ਜਮਾਤ ਤੱਕ ਦੇ ਬੱਚਿਆਂ ਨੇ ਹਿੱਸਾ ਲਿਆ ਤੇ 3 ਵਿਸ਼ਿਆਂ ਅੰਗਰੇਜ਼ੀ, ਪੰਜਾਬੀ ਤੇ ਹਿੰਦੀ ਦੇ ਸੁੰਦਰ ਲਿਖਾਈ ਮੁਕਾਬਲੇ ਕਰਵਾਏ ਗਏ, ਸਾਰੇ ਹੀ ਬੱਚਿਆਂ ਦੀ ਬਹੁਤ ਹੀ ਸੋਹਣੀ ਲਿਖਾਈ ਸੀ | ਕੁਝ ਬੱਚੇ ਜਿਨਾਂ ਦੀ ਲਿਖਾਈ ਮੋਤੀਆਂ ਵਰਗੀ ਤੇ ਬਿਲਕੁਲ ਸਾਫ਼ ਬਿਨਾਂ ਕਿਸੇ ਕਟਿੰਗ ਦੇ ਸੀ, ਨੂੰ ਪਹਿਲੇ, ਦੂਜੇ ਤੇ ਤੀਸਰੇ ਸਥਾਨ ਦੇ ਸਰਟੀਫਿਕੇਟ ਸਕੂਲ ਡਾਇਰੈਕਟਰ ਪਿ੍ੰਸੀਪਲ ਨੈਸ਼ਨਲ ਐਵਾਰਡੀ ਮਨੋਹਰ ਲਾਲ ਸ਼ਰਮਾ ਦੇ ਸਹਿਯੋਗ ਨਾਲ ਦਿੱਤੇ ਗਏ | ਸੁੰਦਰ ਲਿਖਾਈ ਮੁਕਾਬਲਿਆਂ ਵਿਚ ਅੰਗਰੇਜ਼ੀ ਭਾਸ਼ਾ ਦੀ ਪਹਿਲੇ ਸਥਾਨ 'ਤੇ ਪੀਹੂ ਸੋਨੀ ਜਮਾਤ ਚੌਥੀ (ਏ), ਦੂਜੇ ਸਥਾਨ 'ਤੇ ਸਰੂਤੀ ਜਮਾਤ ਚੌਥੀ (ਸੀ), ਤੀਜੇ ਸਥਾਨ 'ਤੇ ਮੁਹਤਾਜ ਕੌਰ ਜਮਾਤ ਤੀਸਰੀ (ਬੀ), ਪੰਜਾਬੀ ਭਾਸ਼ਾ ਵਿਚ ਪਹਿਲੇ ਸਥਾਨ 'ਤੇ ਪੀਹੂ ਸੋਨੀ ਜਮਾਤ ਚੌਥੀ (ਏ), ਦੂਜੇ ਸਥਾਨ 'ਤੇ ਤਨਵੀ ਜਮਾਤ ਤੀਸਰੀ (ਸੀ), ਪੰਜਾਬੀ ਭਾਸ਼ਾ ਦੇ ਤੀਸਰੇ ਸਥਾਨ 'ਤੇ ਆਉਣ ਵਾਲੇ 2 ਵਿਦਿਆਰਥੀ ਮੰਨਤ ਕੌਰ ਜਮਾਤ ਤੀਸਰੀ (ਏ) ਤੇ ਕਰਨਵੀਰ ਸਿੰਘ ਜਮਾਤ ਤੀਸਰੀ (ਬੀ) ਅਤੇ ਹਿੰਦੀ ਭਾਸ਼ਾ ਦੇ ਸੁੰਦਰ ਲਿਖਾਈ ਮੁਕਾਬਲੇ ਦੇ ਪਹਿਲੇ ਸਥਾਨ 'ਤੇ ਅਕਾਂਕਸ਼ਾ ਜਮਾਤ ਚੌਥੀ (ਬੀ), ਦੂਜੇ ਸਥਾਨ 'ਤੇ ਕਾਵਿਆ ਜਮਾਤ ਚੌਥੀ (ਬੀ) ਤੇ ਤੀਸਰੇ ਸਥਾਨ 'ਤੇ ਵੀ 2 ਬੱਚੇ ਰਹੇ | ਜਪਲੀਨ ਕੌਰ ਜਮਾਤ ਤੀਸਰੀ (ਏ), ਅਮਾਇਰਾ ਤੇਜਪਾਲ ਜਮਾਤ ਤੀਸਰੀ (ਏ) ਨੇ ਸੁੰਦਰ ਲਿਖਾਈ ਮੁਕਾਬਲੇ ਦੇ ਸਰਟੀਫਿਕੇਟ ਹਾਸਲ ਕੀਤੇ | ਸਕੂਲ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਡਾ. ਰਾਜੇਸ਼ ਕੁਮਾਰ ਸ਼ਰਮਾ, ਕੋ-ਆਰਡੀਨੇਟਰ ਡਾ. ਸ਼ਾਲਿਨੀ ਸ਼ਰਮਾ ਨੇ ਬੱਚਿਆਂ ਦੇ ਇਸ ਮੁਕਾਬਲੇ ਦੀ ਸ਼ਲਾਘਾ ਕੀਤੀ ਤੇ ਉਨ੍ਹਾਂ ਨੂੰ ਸਾਬਾਸ਼ ਦੇ ਕੇ ਉਨ੍ਹਾਂ ਦਾ ਉਤਸ਼ਾਹ ਵਧਾਇਆ |
