ਨਵੀਂ ਦਿੱਲੀ, 7 ਮਈ (ਅ.ਬ.)-'ਆਪ' ਦੀ ਬਾਗੀ ਸੰਸਦ ਮੈਂਬਰ ਅਤੇ ਭਾਜਪਾ 'ਚ ਸ਼ਾਮਿਲ ਹੋ ਚੁੱਕੀ ਸਵਾਤੀ ਮਾਲੀਵਾਲ ਨੇ ਕਿਹਾ ਕਿ ਅੱਜ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਓ. ਐਸ. ਡੀ. ਰਾਜਬੀਰ ਦੇ ਸਭ ਤੋਂ ਕਰੀਬੀਆਂ 'ਤੇ ਈ. ਡੀ. ਦੀ ਛਾਪੇਮਾਰੀ ਦੌਰਾਨ ਇਨ੍ਹਾਂ ਲੋਕਾਂ ਨੇ ਨੌਵੀਂ ਮੰਜ਼ਿਲ ਤੋਂ ਨੋਟਾਂ ਦੇ ਬੈਗ ਸੁੱਟਣੇ ਸ਼ੁਰੂ ਕਰ ਦਿੱਤੇ | ਇਹੀ ਲੋਕ ਮੁੱਖ ਮੰਤਰੀ ਦਫ਼ਤਰ 'ਚ ਬੈਠ ਕੇ ਦਲਾਲੀ ਕਰਦੇ ਹਨ | ਕਰੋੜਾਂ ਰੁਪਏ ਲੈ ਕੇ ਬਿਲਡਰਾਂ ਦੇ ਸੀ. ਐਲ. ਯੂ. ਕਰਵਾਏ ਜਾਂਦੇ ਹਨ | ਨਾਜਾਇਜ਼ ਪ੍ਰਾਜੈਕਟ ਪਾਸ ਹੋ ਜਾਂਦੇ ਹਨ | ਕਰੋੜਾਂ ਰੁਪਏ ਹਵਾਲਾ ਜ਼ਰੀਏ ਆਸਟ੍ਰੇਲੀਆ ਪੁੱਜ ਚੁੱਕੇ ਹਨ | ਉਨ੍ਹਾਂ ਕਿਹਾ ਕਿ ਪੰਜਾਬ ਨੂੰ ਲੁੱਟਣ ਵਾਲੇ ਸਾਰੇ ਕੱਟੜ ਭਿ੍ਸ਼ਟਾਚਾਰੀ ਜੇਲ੍ਹ ਜਾਣਗੇ |
