ਈਰਾਨ ਨੇ ਅਮਰੀਕੀ ਮੀਡੀਆ ਵਲੋਂ ਆਪਣੇ ਕੂਟਨੀਤਕ ਰੁਖ ਦੀ ਗਲਤ ਪੇਸ਼ਕਾਰੀ ਦਾ ਖੰਡਨ ਕਰਦਿਆਂ ਦਾਅਵਾ ਕੀਤਾ ਕਿ ਉਸ ਨੇ ਪਾਕਿਸਤਾਨ ਵਲੋਂ ਗੱਲਬਾਤ ਦੀ ਪੇਸ਼ਕਸ਼ ਨੂੰ ਕਦੀ ਵੀ ਨਹੀਂ ਠੁਕਰਾਇਆ ਅਤੇ ਉਹ ਮੌਜੂਦਾ ਟਕਰਾਅ ਨੂੰ ਖਤਮ ਕਰਨ ਦੇ ਉਦੇਸ਼ ਨਾਲ ਗੱਲਬਾਤ ਲਈ ਹਮੇਸ਼ਾਂ ਤਿਆਰ ਹੈ | ਈਰਾਨ ਦੇ ਵਿਦੇਸ਼ ਮੰਤਰੀ ਸਈਦ ਅੱਬਾਸ ਅਰਾਘਚੀ ਨੇ ਪਾਕਿਸਤਾਨ ਦੀਆਂ ਵਿਚੋਲਗੀ ਕੋਸ਼ਿਸ਼ਾਂ ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ ਕਿ ਤਹਿਰਾਨ ਨੇ ਕਦੇ ਵੀ ਇਸਲਾਮਾਬਾਦ ਜਾਣ ਤੋਂ ਇਨਕਾਰ ਨਹੀਂ ਕੀਤਾ | ਭਾਂਵੇਕਿ, ਈਰਾਨ ਵਲੋਂ ਅਸਵੀਕਾਰਨਯੋਗ ਦੱਸੀਆਂ ਗਈਆਂ ਅਮਰੀਕੀ ਸ਼ਰਤਾਂ ਕਾਰਨ ਗੱਲਬਾਤ ਰੁਕੀ ਹੋਈ ਹੈ |
