ਕੰਪਨੀਆਂ ਲਈ ਆਮਦਨ ਕਰ ਰਿਟਰਨ ਭਰਨ ਦੀ ਤਰੀਕ 21 ਨਵੰਬਰ ਤੱਕ ਵਧਾਈ

ਨਵੀਂ ਦਿੱਲੀ, 28 ਸਤੰਬਰ (ਪੀ.ਟੀ.ਆਈ.)-ਆਮਦਨ ਕਰ ਵਿਭਾਗ ਨੇ ਕੰਪਨੀਆਂ ਲਈ ਮੁਲਾਂਕਣ ਸਾਲ 2026-27 ਵਾਸਤੇ ਆਮਦਨ ਕਰ ਰਿਟਰਨ (ਆਈ.ਟੀ.ਆਰ.) ਭਰਨ ਦੀ ਆਖਰੀ ਤਰੀਕ 31 ਅਕਤੂਬਰ ਤੋਂ ਵਧਾ ਕੇ 21 ਨਵੰਬਰ ਕਰ ਦਿੱਤੀ ਹੈ। ਵਿਭਾਗ ਨੇ ਟੈਕਸ ਆਡਿਟ ਰਿਪੋਰਟ ਜਮ੍ਹਾਂ ਕਰਵਾਉਣ ਦੀ ਆਖਰੀ ਤਰੀਕ ਵੀ 30 ਸਤੰਬਰ ਤੋਂ ਵਧਾ ਕੇ 21 ਅਕਤੂਬਰ ਕਰ ਦਿੱਤੀ ਹੈ। ਆਮਦਨ ਕਰ ਵਿਭਾਗ ਨੇ ਕਿਹਾ ਹੈ ਕਿ ਆਮਦਨ ਕਰ ਕਾਨੂੰਨ, 1961 ਤਹਿਤ ਮੁਲਾਂਕਣ ਸਾਲ 2026-27 ਲਈ ਸੰਬੰਧਿਤ ਕਰਦਾਤਾਵਾਂ ਵਲੋਂ ਆਡਿਟ ਰਿਪੋਰਟ ਜਮ੍ਹਾਂ ਕਰਵਾਉਣ ਦੀ ‘ਨਿਰਧਾਰਤ ਤਰੀਕ’ ਹੁਣ 21 ਅਕਤੂਬਰ 2026 ਹੋਵੇਗੀ।