ਈਰਾਨ ਵਲੋਂ ਇਕ ਅਮਰੀਕੀ ਜੰਗੀ ਜਹਾਜ਼ ਨੂੰ ਡੇਗਣ ਤੋਂ ਬਾਅਦ ਅਮਰੀਕੀ ਫ਼ੌਜ ਨੇ ਸਨਿਚਰਵਾਰ ਨੂੰ ਦੂਜੇ ਦਿਨ ਵੀ ਲਾਪਤਾ ਪਾਇਲਟ ਨੂੰ ਲੱਭਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਗਈਆਂ, ਜਦੋਂਕਿ ਈਰਾਨ ਨੇ ਲੋਕਾਂ ਨੂੰ ਪਾਇਲਟ ਨੂੰ ਕਾਬੂ ਕਰਨ ਦੇ ਬਦਲੇ ਇਨਾਮ ਦੇਣ ਦਾ ਵਾਅਦਾ ਕੀਤਾ | ਦੂਜੇ ਪਾਸੇ, ਨਾ ਤਾਂ ਵਾਈਟ ਹਾਊਸ ਅਤੇ ਨਾ ਹੀ ਪੈਂਟਾਗਨ ਨੇ ਡੇਗੇ ਗਏ ਜਹਾਜ਼ਾਂ ਬਾਰੇ ਜਾਣਕਾਰੀ ਜਨਤਕ ਕੀਤੀ ਹੈ | ਐਸੋਸੀਏਟਿਡ ਪ੍ਰੈੱਸ (ਏ.ਪੀ.) ਨੂੰ ਪੈਂਟਾਗਨ ਤੋਂ ਪ੍ਰਾਪਤ ਇਕ ਈਮੇਲ 'ਚ ਫ਼ੌਜ ਨੇ ਕਿਹਾ ਕਿ ਉਸ ਨੂੰ ਮੱਧ ਪੂਰਬ 'ਚ ਇਕ ਜਹਾਜ਼ ਨੂੰ ਸੁੱਟਣ ਦੀ ਸੂਚਨਾ ਮਿਲੀ ਹੈ | ਉਸ ਜਹਾਜ਼ 'ਚੋਂ ਚਾਲਕ ਦਲ ਦੇ ਇਕ ਮੈਂਬਰ ਨੂੰ ਬਚਾਇਆ ਗਿਆ | ਪੈਂਟਾਗਨ ਨੇ ਹਾਊਸ ਆਰਮਡ ਸਰਵਿਸਿਜ਼ ਕਮੇਟੀ ਨੂੰ ਇਹ ਵੀ ਸੂਚਿਤ ਕੀਤਾ ਕਿ ਲੜਾਕੂ ਜਹਾਜ਼ 'ਤੇ ਦੂਜੇ ਪਾਇਲਟ ਦੀ ਸਥਿਤੀ ਦਾ ਪਤਾ ਨਹੀਂ ਹੈ | ਦੂਜੇ ਪਾਸੇ, ਈਰਾਨ ਦੇ ਸਰਕਾਰੀ ਮੀਡੀਆ ਨੇ ਕਿਹਾ ਕਿ ਈਰਾਨੀ ਰੱਖਿਆ ਬਲਾਂ ਵਲੋਂ ਨਿਸ਼ਾਨਾ ਬਣਾਏ ਜਾਣ ਤੋਂ ਬਾਅਦ ਫਾਰਸ ਦੀ ਖਾੜੀ 'ਚ ਇਕ ਅਮਰੀਕੀ ਏ-10 ਲੜਾਕੂ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ |
