ਕੇਂਦਰੀ ਹਥਿਆਰਬੰਦ ਪੁਲਿਸ ਦਲ (ਆਮ ਪ੍ਰਸ਼ਾਸਕ ਬਿੱਲ 2026 (ਸੀ.ਏ.ਪੀ.ਐਫ.) ਬਿੱਲ ਵਿਰੋਧੀ ਧਿਰਾਂ ਦੇ ਇਤਰਾਜ਼ ਦੇ ਬਾਵਜੂਦ ਲੋਕ ਸਭਾ 'ਚੋਂ ਪਾਸ ਹੋ ਗਿਆ | ਵਿਰੋਧੀ ਧਿਰਾਂ ਨੇ ਬਿੱਲ ਦੇ ਵਿਰੋਧ 'ਚ ਵਾਕਆਊਟ ਕਰ ਦਿੱਤਾ | ਸਰਕਾਰ ਨੇ ਜ਼ਬਾਨੀ ਵੋਟਿੰਗ ਰਾਹੀਂ ਬਿੱਲ ਪਾਸ ਕਰ ਦਿੱਤਾ | ਸਮਾਜਵਾਦੀ ਪਾਰਟੀ ਦੇ ਰਾਜੀਵ ਰਾਏ ਨੇ ਬਿੱਲ ਦਾ ਵਿਰੋਧ ਕਰਦਿਆਂ ਕਿਹਾ ਕਿ 14 ਸਾਲਾਂ ਤੋਂ ਜਿਸ ਨਿਆਂ ਲਈ ਲੜਾਈ ਲੜ ਰਹੇ ਹਾਂ, ਅੱਜ ਉਸ ਨੂੰ ਅਨਿਆਂ 'ਚ ਬਦਲਣ ਲਈ ਕਾਨੂੰਨ ਲਿਆਂਦਾ ਗਿਆ | ਬਿੱਲ ਮੁਤਾਬਿਕ ਇੰਸਪੈਕਟਰ ਜਨਰਲ ਪੱਧਰ ਦੇ 50 ਫ਼ੀਸਦੀ ਅਹੁਦੇ, ਵਧੀਕ ਡਾਇਰੈਕਟਰ ਜਨਰਲ (ਏ.ਡੀ.ਜੀ.) ਦੇ ਘਟੋ-ਘੱਟ 67 ਫ਼ੀਸਦੀ ਅਹੁਦੇ ਅਤੇ ਵਿਸ਼ੇਸ਼ ਡਾਇਰੈਕਟਰ ਜਨਰਲ (ਐਸ.ਡੀ.ਜੀ.) ਅਤੇ ਡਾਇਰੈਕਟਰ ਜਨਰਲ (ਡੀ.ਜੀ.) ਦੇ ਸਾਰੇ ਅਹੁਦੇ ਡੈਪੂਟੇਸ਼ਨ ਨਾਲ ਹੀ ਭਰੇ ਜਾਣਗੇ |
