ਢਾਕਾ, 26 ਮਾਰਚ (ਪੀ. ਟੀ. ਆਈ.)-ਬੰਗਲਾਦੇਸ਼ ਵਿਚ ਇਕ ਬੱਸ ਦੇ ਇਕ ਟਰਾਂਸਪੋਰਟ ਕਸ਼ਤੀ 'ਚ ਚੜ੍ਹਨ ਦੀ ਕੋਸ਼ਿਸ਼ ਕਰਦੇ ਸਮੇਂ ਨਦੀ ਵਿਚ ਡਿੱਗਣ ਨਾਲ ਘੱਟੋ-ਘੱਟ 24 ਲੋਕਾਂ ਦੀ ਮÏਤ ਹੋ ਗਈ ਤੇ ਕਈ ਹੋਰ ਲਾਪਤਾ ਹੋਏ | ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਹਾਦਸਾ ਦੱਖਣ-ਪੱਛਮੀ ਜ਼ਿਲ੍ਹੇ ਰਾਜਬਾੜੀ ਵਿਚ ਦÏਲਦੀਆ ਟਰਮੀਨਲ 'ਤੇ ਵਾਪਰਿਆ, ਜਦੋਂ ਬੱਸ ਬੁੱਧਵਾਰ ਸ਼ਾਮ ਲਗਭਗ 5.15 ਵਜੇ ਟਰਾਂਸਪੋਰਟ ਕਸ਼ਤੀ 'ਚ ਚੜ੍ਹਦੇ ਹੋਏ ਪਦਮਾ ਨਦੀ 'ਚ ਡਿੱਗ ਗਈ | ਉਨ੍ਹਾਂ ਦਾ ਅੰਦਾਜ਼ਾ ਹੈ ਕਿ ਢਾਕਾ ਜਾਣ ਵਾਲੀ ਬੱਸ 'ਚ ਕਈ ਬੱਚਿਆਂ ਸਮੇਤ ਲਗਭਗ 40 ਯਾਤਰੀ ਸਵਾਰ ਸਨ, ਜਿਨ੍ਹਾਂ ਵਿਚੋਂ ਜ਼ਿਆਦਾਤਰ ਈਦ ਦੀਆਂ ਛੁੱਟੀਆਂ ਤੋਂ ਬਾਅਦ ਰਾਜਧਾਨੀ ਵਾਪਸ ਆ ਰਹੇ ਸਨ | ਅਧਿਕਾਰੀਆਂ ਨੇ ਦੱਸਿਆ ਕਿ 24 ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ | ਬੱਸ ਦੇ ਅੰਦਰੋਂ 22 ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ, ਜਿਨ੍ਹਾਂ 'ਚ 11 ਅÏਰਤਾਂ, 6 ਪੁਰਸ਼ ਤੇ 5 ਬੱਚੇ ਸ਼ਾਮਲ ਹਨ | ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਕਿ ਪ੍ਰਧਾਨ ਮੰਤਰੀ ਤਾਰਿਕ ਰਹਿਮਾਨ ਨੇ ਉਨ੍ਹਾਂ ਨੂੰ ਬਚਾਅ ਮੁਹਿੰਮ ਬਾਰੇ ਅਪਡੇਟਸ ਲਈ ਬੁਲਾਇਆ ਤੇ ਹਾਦਸੇ ਦੀ ਜਾਂਚ ਦੇ ਆਦੇਸ਼ ਦਿੱਤੇ ਗਏ ਹਨ | ਪੁਲਿਸ ਤੇ ਗਵਾਹਾਂ ਨੇ ਪਹਿਲਾਂ ਕਿਹਾ ਸੀ ਕਿ ਲਗਭਗ 11 ਯਾਤਰੀ ਤੈਰਨ ਵਿਚ ਕਾਮਯਾਬ ਹੋ ਗਏ ਜਾਂ ਉਨ੍ਹਾਂ ਨੂੰ ਬਚਾਇਆ ਗਿਆ, ਪਰ ਜ਼ਿਆਦਾਤਰ ਹੋਰ ਲਾਪਤਾ ਹਨ |
