ਨਵੀਂ ਦਿੱਲੀ, 5 ਮਾਰਚ (ਪੀ.ਟੀ.ਆਈ.)-ਜਿਵੇਂ-ਜਿਵੇਂ ਪੱਛਮੀ ਏਸ਼ੀਆ ਵਿਚ ਟਕਰਾਅ ਵਧਦਾ ਜਾ ਰਿਹਾ ਹੈ, ਫਿਨਲੈਂਡ ਦੇ ਰਾਸ਼ਟਰਪਤੀ ਅਲੈਗਜ਼ੈਂਡਰ ਸਟੱਬ ਨੇ ਕਿਹਾ ਕਿ ਈਰਾਨ ਅਤੇ ਇਜ਼ਰਾਈਲ-ਅਮਰੀਕਾ ਦੋਵਾਂ ਨੇ 'ਅੰਤਰਰਾਸ਼ਟਰੀ ਕਾਨੂੰਨ ਦੇ ਦਾਇਰੇ ਤੋਂ ਬਾਹਰ' ਕੰਮ ਕੀਤਾ ਹੈ | ਇੰਡੀਆ ਟੂਡੇ ਨੈਟਵਰਕ ਨਾਲ ਇਕ ਵੀਡੀਓ ਇੰਟਰਵਿਊ ਵਿਚ, ਸਟੱਬ ਨੇ ਇਹ ਵੀ ਕਿਹਾ ਕਿ ਈਰਾਨ ਨੇ ਇਜ਼ਰਾਈਲ-ਅਮਰੀਕਾ ਹਮਲਿਆਂ ਦੇ ਬਦਲੇ ਵਿਚ ਖਾੜੀ ਦੇਸ਼ਾਂ 'ਤੇ ਹਮਲਾ ਕਰਕੇ ਇਕ 'ਰਣਨੀਤਕ ਗਲਤੀ' ਕੀਤੀ ਹੈ, ਕਿਉਂਕਿ ਖਾੜੀ ਦੇਸ਼ ਹੁਣ ਇਹ ਦੇਖਣ ਲਈ ਇਕੱਠੇ ਹੋਣਗੇ ਕਿ ਉਹ ਈਰਾਨ ਨਾਲ ਕੀ ਕਰ ਸਕਦੇ ਹਨ¢ ਉਨ੍ਹਾਂ ਕਿਹਾ, 'ਮੈਂ ਹਮੇਸ਼ਾ ਅੰਤਰਰਾਸ਼ਟਰੀ ਕਾਨੂੰਨ ਦੀ ਵਕਾਲਤ ਕਰਦਾ ਹਾਂ, ਇਸ ਲਈ ਇਹ ਕਹਿਣ ਦੀ ਲੋੜ ਨਹੀਂ ਕਿ ਈਰਾਨ, ਇਜ਼ਰਾਈਲ ਅਤੇ ਅਮਰੀਕਾ ਦੋਵਾਂ ਨੇ ਅੰਤਰਰਾਸ਼ਟਰੀ ਕਾਨੂੰਨ ਦੇ ਦਾਇਰੇ ਤੋਂ ਬਾਹਰ ਕੰਮ ਕੀਤਾ ਹੈ¢
