ਜੰਮੂ, 20 ਜਨਵਰੀ (ਪੀ.ਟੀ.ਆਈ.)-ਨੈਸ਼ਨਲ ਕਾਨਫ਼ਰੰਸ ਦੇ ਪ੍ਰਧਾਨ ਫਾਰੂਕ ਅਬਦੁੱਲਾ ਨੇ ਅੱਜ ਕਿਹਾ ਕਿ ਉਨ੍ਹਾਂ ਦੀ ਪਾਰਟੀ ਨੇ ਭਾਰਤ ਲਈ ਗੋਲੀਆਂ ਖਾਧੀਆਂ ਹਨ ਅਤੇ ਜੇ ਲੋੜ ਪਈ ਤਾਂ ਮੁੜ ਤੋਂ ਗੋਲੀਆਂ ਖਾਣ ਲਈ ਤਿਆਰ ਹਨ | ਉਨ੍ਹਾਂ ਨੇ ਭਾਜਪਾ ਦੇ ਉਨ੍ਹਾਂ ਦੋਸ਼ਾਂ ਨੂੰ ਖਾਰਜ ਕਰ ਦਿੱਤਾ ਜਿਸ 'ਚ ਐਨ.ਸੀ. ਖੇਤਰ 'ਚ ਪੱਥਰਬਾਜ਼ੀ ਅਤੇ ਅੱਤਵਾਦ ਨੂੰ ਬੜਾਵਾ ਦੇਣਾ ਚਾਹੁੰਦੀ ਹੈ | ਅਬਦੁੱਲਾ ਨੇ ਜੰਮੂ ਅਤੇ ਕਸ਼ਮੀਰ ਨੂੰ ਮੁੜ ਤੋਂ ਵੰਡਣ ਦੀ ਮੰਗ ਨੂੰ ਬੇਤੁਕਾ ਅਤੇ ਅਗਿਆਨਤਾ ਕਰਾਰ ਦਿੱਤਾ ਹੈ | ਉਨ੍ਹਾਂ ਨੇ ਆਸ ਪ੍ਰਗਟਾਈ ਕਿ 2019 'ਚ ਵੱਖਰਾ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਬਣੇ ਅਤੇ ਲੱਦਾਖ਼ ਨੂੰ ਭਵਿੱਖ 'ਚ ਮੁੜ ਤੋਂ ਸੂਬੇ 'ਚ ਸ਼ਾਮਿਲ ਕੀਤਾ ਜਾ ਸਕਦਾ ਹੈ | ਉਨ੍ਹਾਂ ਨੇ ਜੰਮੂ-ਕਸ਼ਮੀਰ 'ਚ ਨਵੇਂ ਜ਼ਿਲ੍ਹੇ ਦੇ ਨਿਰਮਾਣ ਦੀ ਸੰਭਾਵਨਾ ਨੂੰ ਖਾਰਜ ਕਰ ਦਿੱਤਾ | ਉਨ੍ਹਾਂ ਨੇ ਮੁੜ ਪੰਜਾਲ ਅਤੇ ਚਿਨਾਬ ਘਾਟੀਆਂ ਲਈ ਵੱਖਰਾ ਪ੍ਰਸ਼ਾਸਨਿਕ ਮੰਡਲਾਂ ਦੀ ਮੰਗ ਨੂੰ ਡਿਕਸਨ ਪਲਾਨ ਦਾ ਹਿੱਸਾ ਦੱਸਿਆ | ਇਹ ਯੋਜਨਾ 1950 'ਚ ਭਾਰਤ-ਪਾਕਿਸਤਾਨ ਵਿਵਾਦ ਹੱਲ ਕਰਨ ਲਈ ਬਣਾਈ ਗਈ ਸੀ | ਭਾਜਪਾ ਨੇਤਾਵਾਂ ਦੇ ਦੋਸ਼ਾਂ ਦਾ ਜਵਾਬ ਦਿੰਦੇ ਹੋਏ ਅਬਦੁੱਲਾ ਨੇ ਕਿਹਾ ਕਿ ਜੋ ਲੋਕ ਪ੍ਰੇਸ਼ਾਨੀ ਪੈਦਾ ਕਰਨਾ ਚਾਹੁੰਦੇ ਹਨ, ਉਹ ਉਹੀ ਹੀ ਹਨ, ਅਸੀਂ ਨਹੀਂ | ਅਸੀਂ ਭਾਰਤ ਦੇ ਨਾਲ ਰਹਿਣ ਲਈ ਗੋਲੀਆਂ ਖਾਧੀਆਂ ਅਤੇ ਜ਼ਰੂਰਤ ਪਈ ਤਾਂ ਮੁੜ ਤੋਂ ਖਾਵਾਂਗੇ |
ਅਸੀਂ ਦੇਸ਼ ਲਈ ਗੋਲੀਆਂ ਖਾਧੀਆਂ ਹਨ, ਜੇ ਲੋੜ ਪਈ ਤਾਂ ਮੁੜ ਖਾਵਾਂਗੇ-ਫਾਰੂਕ ਅਬਦੁੱਲਾ <br/>
ਅਜੀਤ ਡੈਸਕ
21-01-2026