ਗੂਹਲਾ ਇਲਾਕੇ ਦੇ ਇਕ ਘਰ ਚੋਰੀ ਦੇ ਮਾਮਲੇ 'ਚ ਪੁਲਿਸ ਨੇ ਮੁਲਜ਼ਮ ਨੂੰ ਕੀਤਾ ਗਿ੍ਫ਼ਤਾਰ

ਅ

ਅਜੀਤ ਡੈਸਕ 30-12-2025

ਗੂਹਲਾ ਚੀਕਾ, 29 ਦਸੰਬਰ (ਓ.ਪੀ. ਸੈਣੀ)-ਜ਼ਿਲ੍ਹਾ ਕੈਥਲ ਦੇ ਪੁਲਿਸ ਸੁਪਰਡੈਂਟ ਉਪਾਸਨਾ ਦੇ ਨਿਰਦੇਸ਼ਾਂ ਹੇਠ ਅਪਰਾਧੀਆਂ ਵਿਰੁੱਧ ਮੁਹਿੰਮ ਦੇ ਅਧੀਨ, ਸੀ.ਆਈ.ਏ.-1 ਪੁਲਿਸ ਨੇ ਗੂਹਲਾ ਇਲਾਕੇ 'ਚ ਇਕ ਘਰ ਚੋਰੀ ਦੇ ਮਾਮਲੇ 'ਚ ਇਕ ਮੁਲਜ਼ਮ ਨੂੰ ਗਿ੍ਫ਼ਤਾਰ ਕੀਤਾ ਹੈ | ਇਕ ਪੁਲਿਸ ਬੁਲਾਰੇ ਨੇ ਦੱਸਿਆ ਕਿ ਡੇਰਾ ਭਾਗ ਸਿੰਘ, ਚੀਕਾ ਦੇ ਵਸਨੀਕ ਨਿਸ਼ਾਨ ਸਿੰਘ ਦੁਆਰਾ ਦਰਜ ਕਰਵਾਈ ਗਈ ਸ਼ਿਕਾਇਤ ਦੇ ਅਨੁਸਾਰ, ਉਸ ਦੇ ਛੋਟੇ ਭਰਾ ਮਸਤਾਨ ਸਿੰਘ ਦੇ ਘਰ 18 ਦਸੰਬਰ ਤੋਂ 26 ਦਸੰਬਰ ਦੇ ਵਿਚਕਾਰ ਅਣਪਛਾਤੇ ਵਿਅਕਤੀਆਂ ਦੁਆਰਾ ਕਈ ਵਾਰ ਚੋਰੀ ਕੀਤੀ ਗਈ ਸੀ |
ਚੋਰੀਆਂ ਦੌਰਾਨ, ਮੁਲਜ਼ਮਾਂ ਨੇ 2.5 ਤੋਲੇ ਸੋਨਾ, ਇਕ ਐਲ.ਈ.ਡੀ., ਇਕ ਸੀ.ਡੀ. ਪਲੇਅਰ, 65,000 ਨਕਦੀ ਅਤੇ ਹੋਰ ਘਰੇਲੂ ਸਾਮਾਨ ਚੋਰੀ ਕਰ ਲਿਆ | ਗੂਹਲਾ ਪੁਲਿਸ ਸਟੇਸ਼ਨ ਵਿਖੇ ਮਾਮਲਾ ਦਰਜ ਕੀਤਾ ਗਿਆ ਹੈ | ਮਾਮਲੇ ਦੀ ਜਾਂਚ ਸੀ.ਆਈ.ਏ.-1 ਇੰਚਾਰਜ ਐਸ.ਆਈ. ਜਸਵੰਤ ਅਤੇ ਹੈੱਡ ਕਾਂਸਟੇਬਲ ਧਨਪਤ ਦੀ ਅਗਵਾਈ ਵਾਲੀ ਟੀਮ ਦੁਆਰਾ ਕੀਤੀ ਗਈ ਅਤੇ ਦੋਸ਼ੀ, ਡੇਰਾ ਭਾਗ ਸਿੰਘ ਦੇ ਨਿਵਾਸੀ ਹਰਸ਼ਪ੍ਰੀਤ ਉਰਫ਼ ਹਰਸ਼ ਨੂੰ ਗਿ੍ਫ਼ਤਾਰ ਕਰ ਲਿਆ ਗਿਆ |
ਦੋਸ਼ੀ ਨੇ ਉਪਰੋਕਤ ਅਪਰਾਧ ਤੋਂ ਇਲਾਵਾ ਗੂਹਲਾ ਖੇਤਰ 'ਚ ਦੋ ਹੋਰ ਚੋਰੀਆਂ ਕਰਨ ਦੀ ਗੱਲ ਕਬੂਲ ਕੀਤੀ | ਦੋਸ਼ੀ ਤੋਂ ਚੋਰੀ ਦੀਆਂ ਤਿੰਨ ਐਲ.ਈ.ਡੀ. ਅਤੇ ਇਕ ਡੀ. ਵੀ. ਆਰ. ਬਰਾਮਦ ਕੀਤਾ ਗਿਆ | ਦੋਸ਼ੀ ਨੂੰ ਅਦਾਲਤ ਦੇ ਹੁਕਮ ਅਨੁਸਾਰ ਨਿਆਇਕ ਹਿਰਾਸਤ 'ਚ ਭੇਜ ਦਿੱਤਾ ਗਿਆ |

ਪਿਛਲੀ ਖ਼ਬਰ ਅੰਤਰਰਾਸ਼ਟਰੀ ਮੁੱਕੇਬਾਜ਼ ਨੀਰਜ ਗੋਇਤ ਨਗਰ ਨਿਗਮ ਦੇ ਬਰਾਂਡ ਅੰਬੈਸਡਰ ਨਿਯੁਕਤ ਅਗਲੀ ਖ਼ਬਰ ਜਨਤਾ ਦੀ ਆਵਾਜ਼ ਤੋਂ ਬਾਅਦ ਆਇਆ ਅਰਾਵਲੀ 'ਤੇ ਸੁਪਰੀਮ ਕੋਰਟ ਦਾ ਫੈਸਲਾ ਲੋਕਾਂ ਅਤੇ ਸੱਚਾਈ ਦੀ ਜਿੱਤ-ਦੀਪੇਂਦਰ ਹੁੱਡਾ