ਅਗਲੇ ਇਕ ਸਾਲ ਵਿਚ ਅਸੀਂ ਇਕ ਲੱਖ ਪਿੰਡਾਂ ਨੂੰ ਬਾਲ ਵਿਆਹ ਮੁਕਤ ਪਿੰਡ ਬਣਾਵਾਂਗੇ - ਭੁਵਨ ਰਿਭੂ <br/>
ਅਜੀਤ ਡੈਸਕ
06-12-2025
ਰਿਭੂ ਨੇ ਕਿਹਾ ਕਿ ਬਾਲ ਵਿਆਹ ਮੁਕਤ ਭਾਰਤ ਦੇ ਟੀਚੇ ਨੂੰ ਪ੍ਰਾਪਤ ਕਰਨ ਵਿਚ ਭਾਈਚਾਰਕ ਸਮੂਹਾਂ, ਧਾਰਮਿਕ ਨੇਤਾਵਾਂ, ਪੰਚਾਇਤਾਂ ਅਤੇ ਨਾਗਰਿਕਾਂ ਦੀ ਸਭ ਤੋਂ ਮੁੱਖ ਭੂਮਿਕਾ ਹੈ | ਸਰਕਾਰ ਦਾ ਬਾਲ ਵਿਆਹ ਮੁਕਤ ਭਾਰਤ ਮੁਹਿੰਮ ਪੂਰੀ ਦੁਨੀਆ ਲਈ ਇਕ ਮਾਡਲ ਬਣ ਚੁੱਕੀ ਹੈ | ਇਹ ਬੱਚਿਆਂ ਦੇ ਖ਼ਿਲਾਫ਼ ਹੋਣ ਵਾਲੇ ਇਸ ਅਪਰਾਧ ਦੇ ਖ਼ਾਤਮੇ ਲਈ ਸਾਡੇ ਸਮੂਹਿਕ ਯਤਨਾਂ ਅਤੇ ਸਮੂਹਿਕ ਵਚਨਬੱਧਤਾ ਦਾ ਵੀ ਪ੍ਰਤੀਕ ਹੈ |
ਉਨ੍ਹਾਂ ਕਿਹਾ ਕਿ ਪਿਛਲੇ ਸਾਲ ਇਕ ਲੱਖ ਤੋਂ ਵੀ ਜ਼ਿਆਦਾ ਬਾਲ ਵਿਆਹ ਰੋਕੇ ਗਏ ਜੋ ਇਹ ਦਰਸਾਉਂਦਾ ਹੈ ਕਿ ਜਦੋਂ ਸਮਾਜ ਇਕਜੁੱਟ ਹੁੰਦਾ ਹੈ ਤਾਂ ਬਦਲਾਅ ਅਟੱਲ ਹੁੰਦਾ ਹੈ | ਅਸੀਂ ਵਾਅਦਾ ਕੀਤਾ ਹੈ ਕਿ ਅਗਲੇ ਇਕ ਸਾਲ ਵਿਚ ਅਸੀਂ ਇਕ ਲੱਖ ਪਿੰਡਾਂ ਨੂੰ ਬਾਲ ਵਿਆਹ ਮੁਕਤ ਪਿੰਡ ਬਣਾਵਾਂਗੇ | ਤਾਂ ਜੋ ਹਰ ਬੱਚੇ ਨੂੰ ਜੀਵਨ ਵਿਚ ਅੱਗੇ ਵੱਧਣ ਦਾ ਮੌਕਾ ਅਤੇ ਸੁਰੱਖਿਅਤ ਭਵਿੱਖ ਮਿਲੇ | ਵਿਕਸਤ ਭਾਰਤ ਦੇ ਵੱਡੇ ਟੀਚੇ ਨੂੰ ਪ੍ਰਾਪਤ ਕਰਨ ਲਈ ਇਨ੍ਹਾਂ ਯਤਨਾਂ ਦੀ ਗਤੀ ਕਾਫੀ ਅਹਿਮੀਅਤ ਰੱਖਦੀ ਹੈ |
