ਗੁਰੂਹਰਸਹਾਏ, 23 ਨਵੰਬਰ(ਸੰਧੂ)-ਵਿਧਾਨ ਸਭਾ ਹਲਕਾ ਗੁਰੂਹਰਸਹਾਏ ਦੇ ਪਿੰਡ ਥੇਹ ਗੁੱਜਰ ਤੋਂ ਸੀਨੀਅਰ ਰਾਜਨੀਤਿਕ ਆਗੂ ਜਥੇਦਾਰ ਸੁਖਵੰਤ ਸਿੰਘ ਥੇਹ ਗੁੱਜਰ ਦੀ ਸਿਹਤ ਦਾ ਹਾਲ ਚਾਲ ਜਾਣਨ ਲਈ ਕਾਂਗਰਸ ਦੇ ਜ਼ਿਲ੍ਹਾ ਪ੍ਰਧਾਨ ਕੁਲਬੀਰ ਸਿੰਘ ਜ਼ੀਰਾ ਉਹਨਾਂ ਦੇ ਘਰ ਪੁੱਜੇ ਅਤੇ ਉਹਨਾਂ ਜਥੇਦਾਰ ਥੇਹ ਗੁੱਜਰ ਦੇ ਜਲਦੀ ਠੀਕ ਹੋਣ ਦੀ ਵਾਹਿਗੁਰੂ ਅੱਗੇ ਅਰਦਾਸ ਕੀਤੀ | ਜਥੇਦਾਰ ਸੁਖਵੰਤ ਸਿੰਘ ਥੇਹ ਗੁੱਜਰ ਇਲਾਕੇ ਦੇ ਰਾਜਨੀਤਕ ਤੌਰ 'ਤੇ ਇਕ ਜਾਣੇ ਪਛਾਣੇ ਆਗੂ ਹਨ | ਜੋ ਹੁਣ ਬਿਮਾਰ ਚੱਲ ਰਹੇ ਹਨ | ਜਥੇਦਾਰ ਸੁਖਵੰਤ ਸਿੰਘ ਪਿੰਡ ਦੇ ਮੌਜੂਦਾ ਨੌਜਵਾਨ ਸਰਪੰਚ ਰਸਦੀਪ ਸਿੰਘ ਥੇਹ ਗੁਜਰ ਦੇ ਪਿਤਾ ਹਨ | ਇਸ ਮੌਕੇ ਉਹਨਾਂ ਨਾਲ ਇਲਾਕੇ ਦੇ ਕਈ ਹੋਰ ਪਤਵੰਤੇ ਸੱਜਣ ਵੀ ਹਾਜ਼ਰ ਸਨ |
