ਬਿਨਾਂ ਲਾਇਸੰਸ ਤੋਂ ਪਟਾਕੇ ਵੇਚਣ ਵਾਲੇ ਵਿਅਕਤੀ ਨੂੰ ਕੀਤਾ ਕਾਬੂ
ਅਜੀਤ ਡੈਸਕ
22-10-2025
ਮੱਲਾਂਵਾਲਾ 'ਚ ਸੜਕ ਹਾਦਸੇ ਚ ਬਜ਼ੁਰਗ ਵਿਅਕਤੀ ਦੀ ਮੌਤ
ਮੱਲਾਂਵਾਲਾ, 21 ਅਕਤੂਬਰ (ਬਲਬੀਰ ਸਿੰਘ ਜੋਸਨ/ਗੁਰਦੇਵ ਸਿੰਘ)-ਦੀਵਾਲੀ ਦੇ ਦਿਹਾੜੇ 'ਤੇ ਮੱਲਾਂਵਾਲਾ ਵਿਖੇ ਸੜਕ ਹਾਦਸੇ 'ਚ ਇਕ ਬਜ਼ੁਰਗ ਵਿਅਕਤੀ ਦੀ ਮੌਤ ਹੋਣ ਦਾ ਸਮਾਚਾਰ ਮਿਲਿਆ ਹੈ | ਮਿਲੀ ਜਾਣਕਾਰੀ ਅਨੁਸਾਰ ਪਿੰਡ ਸੁਨਾਮ ਦੇ ਵਾਸੀ ਮੁਖ਼ਤਿਆਰ ਸਿੰਘ ਪੁੱਤਰ ਸਾਧਾ ਸਿੰਘ ਆਪਣੀ ਕਾਰ ਸਵਿਫ਼ਟ ਡਿਜਾਇਰ 'ਤੇ ਸਵਾਰ ਹੋ ਕੇ ਜਲੰਧਰ ਨੂੰ ਜਾ ਰਹੇ ਸਨ | ਕਿ ਜਦੋਂ ਉਹ ਪਿੰਡ ਸਧਾਰਾ ਦੇ ਨਜ਼ਦੀਕ ਪਹੁੰਚੇ ਤਾਂ ਅਚਾਨਕ ਕਾਰ ਦਾ ਸੰਤੁਲਨ ਵਿਗੜ ਗਿਆ ਅਤੇ ਕਾਰ ਖੜਬਾਜ਼ੀਆਂ ਖਾਂਦੀ ਹੋਈ ਖੇਤਾਂ ਵਿਚ ਜਾ ਪਲਟੀ ਅਤੇ ਮੁਖ਼ਤਿਆਰ ਸਿੰਘ ਕਾਰ ਵਿਚੋਂ ਬੁੜ੍ਹਕ ਕੇ ਕਾਰ ਤੋਂ ਵੀਹ ਫੁੱਟ ਅੱਗੇ ਰੇਲਵੇ ਲਾਈਨ ਕੋਲ ਜਾ ਡਿੱਗਾ | ਜਿਸ ਕਾਰਨ ਮੁਖ਼ਤਿਆਰ ਸਿੰਘ ਦੀ ਮੌਤ ਹੋ ਗਈ | ਦੱਸਿਆ ਜਾ ਰਿਹਾ ਹੈ ਕਿ ਮੁਖ਼ਤਿਆਰ ਸਿੰਘ ਤਿੰਨ ਕੁ ਸਾਲ ਪਹਿਲਾਂ ਹੀ ਯੂ.ਪੀ ਤੋਂ ਮੱਲਾਂਵਾਲਾ ਦੀ ਨਜ਼ਦੀਕ ਪਿੰਡ ਸੁਨਾਮ ਵਿਖੇ ਰਹਿਣ ਲੱਗ ਪਏ ਸਨ | ਸੂਚਨਾ ਮਿਲਦੇ ਹੀ ਥਾਣਾ ਮੱਲਾਂਵਾਲਾ ਦੀ ਪੁਲਿਸ ਪਾਰਟੀ ਮੌਕੇ 'ਤੇ ਪਹੁੰਚੀ ਅਤੇ ਲਾਸ਼, ਕਾਰ ਨੂੰ ਕਬਜ਼ੇ 'ਚ ਲੈ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ |
