ਕੋਟਕਪੂਰਾ, 22 ਦਸੰਬਰ (ਮੇਘਰਾਜ)-ਅਲਾਇੰਸ ਕਲੱਬ ਕੋਟਕਪੂਰਾ ਸਿਟੀ 111 ਵਲੋਂ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ, ਲਾਲੇਆਣਾ ਵਿਖੇ ਦੰਦਾਂ ਅਤੇ ਸਿਹਤ ਜਾਂਚ ਕੈਂਪ ਲਗਾਇਆ ਗਿਆ | ਇਸ ਕੈਂਪ 'ਚ ਕਰੀਬ 100 ਵਿਦਿਆਰਥੀਆਂ ਨੂੰ ਦੰਦਾਂ ਅਤੇ ਡੇਂਗੂ ਜਾਗਰੂਕਤਾ ਬਾਰੇ ਦੱਸਿਆ ਗਿਆ | ਦੰਦਾਂ ਦੇ ਮਾਹਿਰ ਡਾ. ਪਾਰਸ ਅਰੋੜਾ ਨੇ ਬੱਚਿਆਂ ਦੇ ਦੰਦਾਂ ਨੂੰ ਤੰਦਰੁਸਤ ਰੱਖਣ ਬਾਰੇ ਜਾਣਕਾਰੀ ਦਿੱਤੀ ਅਤੇ ਦੰਦਾਂ ਦੀ ਜਾਂਚ ਕੀਤੀ | ਉਪਰੰਤ ਡਾ. ਹਿਮਾਂਸ਼ੂ ਨੇ ਡੇਂਗੂ ਤੋਂ ਬਚਾਅ ਕਰਨ ਦੇ ਸਾਧਨ ਬਾਰੇ ਜਾਣਕਾਰੀ ਦਿੱਤੀ | ਕਲੱਬ ਦੇ ਅਹੁਦੇਦਾਰ ਓਮ ਪ੍ਰਕਾਸ਼ ਗੋਇਲ ਨੇ ਦੱਸਿਆ ਕਿ ਉਕਤ ਸਕੂਲ ਨੂੰ ਕਲੱਬ ਵਲੋਂ ਪਿਛਲੇ 2 ਸਾਲਾਂ ਤੋਂ ਗੋਦ ਲਿਆ ਹੋਇਆ ਹੈ ਅਤੇ ਕਲੱਬ ਜ਼ਰੂਰਤਮੰਦ ਬੱਚਿਆਂ ਨੂੰ ਜ਼ਰੂਰਤ ਦਾ ਸਮਾਨ ਮੁਹੱਈਆ ਕਰਵਾਉਂਦਾ ਰਹਿੰਦਾ ਹੈ | ਮਨਦੀਪ ਸਿੰਘ ਸਰਾਂ ਅਤੇ ਚੰਦਰ ਪ੍ਰਕਾਸ਼ ਅਰੋੜਾ ਨੇ ਦੱਸਿਆ ਕਿ ਕਲੱਬ ਵਲੋਂ ਸਰਦੀ ਤੋਂ ਬਚਣ ਲਈ ਬੱਚਿਆਂ ਨੂੰ ਟੋਪੀਆਂ, ਦਸਤਾਨੇ, ਕੰਨਪਟੀ, ਜੁਰਾਬਾਂ, ਕਿਤਾਬਾਂ, ਕਾਪੀਆਂ ਅਤੇ ਹੋਰ ਪੜ੍ਹਨ ਸਮੱਗਰੀ ਵੰਡੀ ਗਈ | ਵਿਦਿਆਰਥੀਆਂ ਨੂੰ ਦੰਦਾ ਵਾਲੇ ਬੁਰਸ਼ ਤੇ ਟੁੱਥਪੇਸਟ ਵੀ ਦਿੱਤੇ ਗਏ | ਇਸ ਮੌਕੇ ਰਮੇਸ਼ ਅਹੂਜਾ, ਵਰਿੰਦਰ ਸਿੰਘ ਅਰਨੇਜਾ, ਬਲਜੀਤ ਸਿੰਘ ਖੀਵਾ, ਸੰਦੀਪ ਕਟਾਰੀਆ, ਗੁਰਮੀਤ ਸਿੰਘ ਮਠਾੜੂ, ਕਰੋੜੀ ਮੱਲ ਮਿੱਤਲ, ਸਰਪੰਚ ਜਸਵਿੰਦਰ ਸਿੰਘ ਖਾਲਸਾ, ਸਤਪਾਲ ਅਰੋੜਾ ਪ੍ਰਧਾਨ ਨਿਰੋਗ ਬਾਲ ਆਸ਼ਰਮ, ਡਾ. ਪਰਮਜੀਤ ਸਿੰਘ, ਮਹੰਤ ਬਾਬਾ ਪਰਸਨ ਦਾਸ, ਕੁਲਦੀਪ ਸਿੰਘ ਚਮੇਲੀ ਅਤੇ ਸਕੂਲ ਅਧਿਆਪਕ ਨਿਤਿਨ ਮਲਿਕ, ਕਮਲਜੀਤ ਕੌਰ, ਮੀਨੂੰ ਗੋਇਲ, ਸਿਮਰਜੀਤ ਕੌਰ ਤੇ ਰੂਪ ਰਾਣੀ ਹਾਜ਼ਰ ਸਨ |
