ਸ੍ਰੀ ਮੁਕਤਸਰ ਸਾਹਿਬ, 31 ਮਈ (ਸੁਖਪਾਲ ਸਿੰਘ ਢਿੱਲੋਂ)-ਪਿੰਡ ਝੀਂਡਵਾਲਾ ਤੋਂ ਨਿਕਲਣ ਵਾਲੇ ਭਾਗਸਰ ਰਜਬਾਹੇ ਜਿਸ ਦਾ ਪਾਣੀ ਡੇਢ ਦਰਜਨ ਤੋਂ ਵੱਧ ਪਿੰਡਾਂ ਦੇ ਕਿਸਾਨਾਂ ਦੀਆਂ ਜ਼ਮੀਨਾਂ ਨੂੰ ਲੱਗਦਾ ਹੈ ਤੇ ਪਿੰਡਾਂ ਦੇ ਜਲਘਰਾਂ ਦੀਆਂ ਪਾਣੀ ਵਾਲੀਆਂ ਡਿੱਗੀਆਂ ਵਿਚ ਇਸ ਦਾ ਪਾਣੀ ਪੈਂਦਾ ਹੈ, ਪਿਛਲੇਂ ਕੁਝ ਦਿਨਾਂ ਤੋਂ ਬੰਦ ਸੀ | ਜਿਸ ਕਰਕੇ ਕਿਸਾਨਾਂ ਅਤੇ ਆਮ ਲੋਕਾਂ ਵਿਚ ਪੂਰੀ ਹਾਹਾਕਾਰ ਮੱਚੀ ਹੋਈ ਸੀ | ਇਲਾਕੇ ਦੇ ਲੋਕਾਂ ਵਲੋਂ ਨਹਿਰੀ ਪਾਣੀ ਦੀ ਬੰਦੀ ਦਾ ਜ਼ੋਰਦਾਰ ਵਿਰੋਧ ਕੀਤਾ ਗਿਆ | ਜਿਸ ਤੋਂ ਬਾਅਦ ਨਹਿਰ ਵਿਭਾਗ ਵਲੋਂ ਉਕਤ ਰਜਬਾਹੇ ਵਿਚ ਪਾਣੀ ਛੱਡ ਦਿੱਤਾ ਗਿਆ |
