ਆਲਮਗੀਰ, 22 ਨਵੰਬਰ (ਜਰਨੈਲ ਸਿੰਘ ਪੱਟੀ)-ਨਨਕਾਣਾ ਸਾਹਿਬ ਪਬਲਿਕ ਸਕੂਲ ਗਿੱਲ ਪਾਰਕ ਦੇ ਬੈਡਮਿੰਟਨ ਖਿਡਾਰੀਆਂ ਨੇ ਸੈਕਟਰ 38 ਚੰਡੀਗੜ੍ਹ ਵਿਖੇ ਕਰਵਾਏੇ ਸਮੈਸ਼ ਡਰੱਗਜ਼ ਸੇਵ ਲਾਈਫ ਓਪਨ ਕੈਸ਼ ਪ੍ਰਾਈਜ਼ ਬੈਡਮਿੰਟਨ ਟੂਰਨਾਮੈਂਟ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ | ਇਹ ਟੂਰਨਾਮੈਂਟ ਸੇਵ ਵਰਲਡ ਫਾਊਾਡੇਸ਼ਨ ਦੁਆਰਾ ਕਰਵਾਇਆ ਗਿਆ ਸੀ | ਸਿ੍ਸ਼ਟੀ ਰਾਣਾ ਨੇ ਅੰਡਰ 11 ਵਿਚ ਪਹਿਲਾ ਸਥਾਨ, ਅਗਮਜੋਤ ਨੇ ਅੰਡਰ 9 ਵਿਚ ਦੂਜਾ, ਆਸ਼ੀਸ਼ ਵਰਮਾ ਅਤੇ ਪਲਕਜੋਤ ਨੇ ਮਿਕਸਡ ਡਬਲਜ਼ ਵਿਚ ਦੂਜਾ ਸਥਾਨ ਪ੍ਰਾਪਤ ਕਰਨ ਵਿਚ ਸਫਲਤਾ ਪ੍ਰਾਪਤ ਕੀਤੀ | ਹਾਲਾਂਕਿ ਆਸ਼ੀਸ਼ ਵਰਮਾ ਨੇ ਅੰਡਰ-13 ਦੇ ਸਿੰਗਲ ਵਰਗ ਵਿਚ ਵੀ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਸਕੂਲ ਦੀ ਪਿ੍ੰਸੀਪਲ ਹਰਮੀਤ ਕੌਰ ਵੜੈਚ ਨੇ ਜੇਤੂਆਂ ਨੂੰ ਵਧਾਈ ਦਿੱਤੀ | ਉਨ੍ਹਾਂ ਨੇ ਆਪਣੇ ਖੇਡ ਹੁਨਰ ਨੂੰ ਬਣਾਈ ਰੱਖਣ ਲਈ ਨਿਯਮਤ ਅਭਿਆਸ ਦੀ ਜ਼ਰੂਰਤ 'ਤੇ ਜ਼ੋਰ ਦਿੱਤਾ | ਇੱਥੇ ਇਹ ਦੱਸਣਾ ਜ਼ਰੂਰੀ ਹੈ ਕਿ ਸੇਵ ਵਰਲਡ ਫਾਊਾਡੇਸ਼ਨ, ਜਿਸ ਦੀ ਸਥਾਪਨਾ ਪ੍ਰੀਤ ਭੁਪਿੰਦਰ ਸੈਣੀ ਦੁਆਰਾ ਕੀਤੀ ਗਈ ਹੈ, ਇਕ ਜਨਤਕ ਚੈਰੀਟੇਬਲ ਟਰੱਸਟ ਹੈ, ਜੋ ਸਮਾਜਿਕ ਜਾਗਰੂਕਤਾ ਅਤੇ ਯੁਵਾ ਸਸ਼ਕਤੀਕਰਨ ਲਈ ਕੰਮ ਕਰ ਰਿਹਾ ਹੈ | ਨਸ਼ਿਆਂ ਵਿਰੁੱਧ ਆਪਣੀ 'ਸਮੈਸ਼ ਡਰੱਗਜ਼, ਸੇਵ ਲਾਈਫ' ਮੁਹਿੰਮ ਰਾਹੀਂ ਨੌਜਵਾਨਾਂ ਨੂੰ ਇਕ ਸਿਹਤਮੰਦ ਤੇ ਨਸ਼ਾ ਮੁਕਤ ਸਮਾਜ ਵੱਲ ਪ੍ਰੇਰਿਤ ਕਰ ਰਿਹਾ ਹੈ |
