ਦੀਵਾਲੀ ਦੀਆਂ ਰੌਸ਼ਨੀਆਂ 'ਚ ਜਗਮਗਾਇਆ ਅੰਮਿ੍ਤਸਰ, ਸ਼ੇਰ-ਏ-ਪੰਜਾਬ ਦਾ ਸ਼ਾਹੀ ਮਹਿਲ ਡੁੱਬਿਆ ਰਿਹਾ ਹਨੇਰੇ 'ਚ <br/>
ਅਜੀਤ ਡੈਸਕ
22-10-2025
ਅੱਜ ਦੇਰ ਸ਼ਾਮ ਹਨੇਰੇ 'ਚ ਡੁੱਬੇ ਮਹਾਰਾਜਾ ਰਣਜੀਤ ਸਿੰਘ ਸਮਰ ਪੈਲੇਸ ਵਿਖੇ ਮੋਮਬਤੀਆਂ ਨਾਲ ਰੌਸ਼ਨੀ ਕਰਨ ਪਹੁੰਚੇ ਸਥਾਨਕ ਸਮਾਜਿਕ ਕਾਰਕੁਨ ਅਤੇ ਵਿਰਾਸਤ ਪ੍ਰੇਮੀ ਇੰਜ. ਪਵਨ ਸ਼ਰਮਾ ਨੇ ਸਮਾਰਕ ਦੀ ਹੋ ਰਹੀ ਦੁਰਦਸ਼ਾ 'ਤੇ ਅਫ਼ਸੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਉਕਤ ਸਮਾਰਕ ਸਮੇਤ ਇਸ ਦੇ ਤਲਾਬ ਦੀ ਹਾਲਤ ਖਸਤਾ ਹੋ ਚੁਕੀ ਹੈ ਅਤੇ ਉਹ ਬਾਰਸ਼ ਦੇ ਗੰਦੇ ਪਾਣੀ ਨਾਲ ਭਰਿਆ ਹੋਇਆ ਹੈ | ਸਮਾਰਕ ਦੇ ਦੁਆਲੇ ਪਾਣੀ ਦੀ ਨਿਕਾਸੀ ਨਾਲ ਬਣਾਈਆਂ ਨਾਲੀਆਂ ਦੇ ਢੱਕਣ ਗ਼ਾਇਬ ਹਨ | ਪੁਰਾਤਤਵ ਵਿਭਾਗ ਵਲੋਂ ਸੁਰੱਖਿਅਤ ਸਮਾਰਕ ਐਲਾਨੇ ਜਾ ਚੁਕੇ ਰਾਮ ਬਾਗ ਦੀ ਮੌਜੂਦਾ ਹਾਲਤ ਇਹ ਸਪਸ਼ਟ ਕਰ ਦਿੰਦੀ ਹੈ ਕਿ ਸੂਬਾ ਸਰਕਾਰ ਦੇ ਸੈਰ ਸਪਾਟਾ ਮੰਤਰਾਲੇ ਵਲੋਂ ਇਨ੍ਹਾਂ ਸਮਾਰਕਾਂ ਨੂੰ ਸਹੇਜਣ ਦੇ ਕੀਤੇ ਦਾਅਵੇ ਪੂਰੀ ਤਰ੍ਹਾਂ ਖੋਖਲੇ ਸਾਬਤ ਹੋਏ ਹਨ |
