ਧਾਰੀਵਾਲ, 29 ਦਸੰਬਰ (ਸਵਰਨ ਸਿੰਘ)-ਬਲਬੀਰ ਸਿੰਘ ਉਰਫ਼ ਬੀਰ ਸਿੰਘ ਪੁੱਤਰ ਕਰਮ ਸਿੰਘ ਵਾਸੀ ਪਿੰਡ ਬਾਸਰਕੇ ਭੈਣੀ ਥਾਣਾ ਘਰਿੰਡਾ ਜ਼ਿਲ੍ਹਾ ਅੰਮਿ੍ਤਸਰ ਨੇ ਥਾਣਾ ਧਾਰੀਵਾਲ ਨੂੰ ਦੱਸਿਆ ਕਿ ਉਸ ਦਾ ਲੜਕਾ ਹਰਜੀਤ ਸਿੰਘ ਹਿਮਾਚਲ ਪ੍ਰਦੇਸ਼ ਧਰਮਸ਼ਾਲਾ ਵਿਖੇ ਪ੍ਰਾਈਵੇਟ ਡਰਾਇਵਰੀ ਕਰਦਾ ਹੈ, ਨੇ ਕਿਹਾ ਕਿ ਮੈਂ ਘਰ ਆ ਰਿਹਾ ਹਾਂ, ਜੋ ਆਪਣੇ ਦੋਸਤ ਸਾਜਨ ਪੁੱਤਰ ਜੀਤਾ ਵਾਸੀ ਪਿੰਡ ਫਤਿਆਬਾਦ ਥਾਣਾ ਗੋਇੰਦਵਾਲ ਸਾਹਿਬ ਨਾਲ ਆਪਣੇ ਮੋਟਰਸਾਈਕਲ ਪੀ.ਬੀ.14-ਸੀ5906 'ਤੇ ਆ ਰਹੇ ਸੀ | ਜਦੋਂ ਉਹ ਧਾਰੀਵਾਲ ਤੋਂ ਬਟਾਲਾ ਬਾਈਪਾਸ ਨੇੜੇ ਨਹਿਰ ਵਾਲਾ ਪੁਲ 'ਤੇ ਪੁੱਜੇ ਤਾਂ ਇਕ 18 ਟਾਇਰੀ ਟਰਾਲਾ ਨੰਬਰ ਆਰ.ਜੇ13-ਜੀ.ਸੀ0052 ਦੇ ਡਰਾਇਵਰ ਵਲੋਂ ਲਾਪ੍ਰਵਾਹੀ ਬਿਨਾਂ ਹਾਰਨ ਦਿੱਤੇ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ ਹਰਜੀਤ ਸਿੰਘ ਦੀ ਮੌਤ ਹੋ ਗਈ ਹੈ | ਥਾਣਾ ਧਾਰੀਵਾਲ ਦੇ ਏ.ਐੱਸ.ਆਈ. ਸੁਖਦੇਵ ਸਿੰਘ ਨੇ ਬਲਬੀਰ ਸਿੰਘ ਦੇ ਬਿਆਨਾਂ ਦੇ ਆਧਾਰ 'ਤੇ ਅਣਪਛਾਤੇ ਡਰਾਇਵਰ 'ਤੇ ਮਾਮਲਾ ਦਰਜ਼ ਕਰ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
