ਗੁਰਦਾਸਪੁਰ, 21 ਅਕਤੂਬਰ (ਅਸ਼ੋਕ ਸ਼ਰਮਾ)-ਬੇਟ ਖੇਤਰ ਅੰਦਰ ਦੀਵਾਲੀ ਦੇ ਤਿਉਹਾਰ ਮੌਕੇ ਬੀਤੇ ਕੱਲ੍ਹ 20 ਅਕਤੂਬਰ ਨੂੰ ਦੀਵਾਲੀ ਮੌਕੇ ਥਾਂ-ਥਾਂ 'ਤੇ ਬੈਂਚਾਂ, ਫੋਲਡਿੰਗ ਮੰਜਿਆਂ ਆਦਿ 'ਤੇ ਪਟਾਕੇ ਸਜਾ ਕੇ ਵੇਚੇ ਜਾ ਰਹੇ ਸਨ | ਜਿਸ ਨਾਲ ਪ੍ਰਸ਼ਾਸਨ ਦੇ ਹੁਕਮਾਂ ਦੀ ਸਰਾਸਰ ਧੱਜੀਆਂ ਉਡਾਈਆਂ ਜਾ ਰਹੀਆਂ ਸਨ | ਪੁਲਿਸ ਕਰਮਚਾਰੀ ਅਜਿਹਾ ਸਭ ਕੁਝ ਵੇਖ ਕੇ ਵੀ ਖ਼ਾਮੋਸ਼ ਨਜ਼ਰ ਆ ਰਹੇ ਸਨ | ਬੇਟ ਖੇਤਰ ਦੇ ਆਸ-ਪਾਸ ਖੁੱਲੇ੍ਹ ਆਮ ਪਟਾਕੇ ਆਦਿ ਵੇਚੇ ਜਾ ਰਹੇ ਸਨ | ਜਿਸ ਨਾਲ ਪ੍ਰਸ਼ਾਸਨ ਦੇ ਹੁਕਮਾਂ ਦੀ ਖਲੀ ਉਡਾਈ ਜਾ ਰਹੀ ਸੀ | ਲੋਕਾਂ ਦਾ ਕਹਿਣਾ ਹੈ ਕਿ ਪ੍ਰਸ਼ਾਸਨ ਦਾ ਕੋਈ ਵੀ ਅਧਿਕਾਰੀ ਅਜਿਹੇ ਹੁਕਮਾਂ ਨੂੰ ਲਾਗੂ ਕਰਵਾਉਣ ਤੇ ਚੈਕਿੰਗ ਕਰਨ ਲਈ ਨਜ਼ਰ ਨਹੀਂ ਆਇਆ | ਸ਼ਹਿਰ ਦੀਆਂ ਬਹੁਤੀਆਂ ਥਾਵਾਂ 'ਤੇ ਪਟਾਕੇ ਵੇਚ ਕੇ ਪ੍ਰਸ਼ਾਸਨ ਦਾ ਮੂੰਹ ਚਿੜਾਇਆ ਜਾ ਰਿਹਾ ਸੀ | ਲੋਕਾਂ ਦਾ ਕਹਿਣਾ ਹੈ ਕਿ ਪ੍ਰਸ਼ਾਸਨ ਨੂੰ ਅਜਿਹੇ ਹੁਕਮ ਜਾਰੀ ਕਰਕੇ ਇਨ੍ਹਾਂ ਨੂੰ ਲਾਗੂ ਕਰਵਾਉਣ ਵਾਸਤੇ ਚੈਕਿੰਗ ਆਦਿ ਵੀ ਕਰਨੀ ਚਾਹੀਦੀ ਹੈ |
