ਮੁੱਲਾਂਪੁਰ-ਦਾਖਾ, 4 ਦਸੰਬਰ (ਨਿਰਮਲ ਸਿੰਘ ਧਾਲੀਵਾਲ)-ਪੰਚਾਇਤ ਸੰਮਤੀ/ਜ਼ਿਲ੍ਹਾ ਪ੍ਰੀਸ਼ਦ ਚੋਣਾਂ ਨੂੰ ਲੈ ਕੇ ਹਲਕਾ ਦਾਖਾ 'ਚ ਭਾਰਤੀ ਜਨਤਾ ਪਾਰਟੀ ਪੂਰੀ ਤਰ੍ਹਾਂ ਸਰਗਰਮ ਹੈ | ਪੰਚਾਇਤ ਸੰਮਤੀ ਮੁੱਲਾਂਪੁਰ ਦੇ ਖੇਤਰੀ ਹਲਕੇ ਦੇ ਕਈ ਜ਼ੋਨਾਂ 'ਚ ਉਮੀਦਵਾਰ ਐਲਾਨਣ ਵਿਚ ਕਾਮਯਾਬ ਬੀ.ਜੇ.ਪੀ ਦੇ ਸੂਬਾਈ ਆਗੂ ਮੇਜਰ ਸਿੰਘ ਦੇਤਵਾਲ ਦੀ ਅਗਵਾਈ 'ਚ ਅੱਜ ਨਾਮਜ਼ਦਗੀਆਂ ਜਮ੍ਹਾਂ ਹੋਈਆਂ | ਜੀ.ਟੀ.ਬੀ. ਕਾਲਜ ਦਾਖਾ ਵਿਖੇ ਰਿਟਰਨਿੰਗ ਅਫ਼ਸਰ-ਕਮ ਐੱਸ.ਡੀ.ਐੱਮ ਉਪਿੰਦਰਜੀਤ ਕੌਰ ਬਰਾੜ, ਏ.ਆਰ.ਓ-ਕਮ ਨਾਇਬ ਤਹਿਸੀਲਦਾਰ ਕਰਮਜੀਤ ਸਿੰਘ ਕੋਲ ਭਾਜਪਾ ਆਗੂ ਦੇਤਵਾਲ ਵਲੋਂ ਪੰਚਾਇਤ ਸੰਮਤੀ ਜ਼ੋਨ ਮਾਨ (ਚੌਂਕੀਮਾਨ) ਲਈ ਜਰਨੈਲ ਸਿੰਘ ਦੇ ਨਾਮਜ਼ਦਗੀ ਪੱਤਰ ਜਮ੍ਹਾਂ ਕਰਵਾਏ ਗਏ | ਪੰਚਾਇਤ ਸੰਮਤੀ ਜ਼ੋਨ ਰਾਊਵਾਲ ਲਈ ਬੀ.ਜੇ.ਪੀ ਵਲੋਂ ਰਣਜੀਤ ਸਿੰਘ ਨੂੰ ਉਮੀਦਵਾਰ ਬਣਾਇਆ ਗਿਆ | ਹਲਕਾ ਦਾਖਾ 'ਚ ਸੰਮਤੀ ਜ਼ੋਨ ਢੈਪਈ ਲਈ ਸੁਖਜੀਵਨ ਸਿੰਘ ਬੀ.ਜੇ.ਪੀ ਉਮੀਦਵਾਰ ਵਜੋਂ ਆਪਣਾ ਨਾਮਜ਼ਦਗੀ ਪੱਤਰ ਜਮ੍ਹਾਂ ਕਰਵਾਇਆ | ਪੰਚਾਇਤ ਸੰਮਤੀ ਜ਼ੋਨ ਰਕਬਾ ਸੁਖਵਿੰਦਰ ਕੌਰ ਬੀ.ਜੇ.ਪੀ ਉਮੀਦਵਾਰ ਨੇ ਵੀ ਆਪਣੇ ਨਾਮਜ਼ਦਗੀ ਪੱਤਰ ਜਮ੍ਹਾਂ ਕਰਵਾਏ | ਬੀ.ਜੇ.ਪੀ ਉਮੀਦਵਾਰਾਂ ਦ ਨਾਮਜ਼ਦਗੀ ਪੱਤਰ ਜਮ੍ਹਾਂ ਕਰਵਾਉਣ ਸਮੇਂ ਮੇਜਰ ਸਿੰਘ ਦੇਤਵਾਲ ਨਾਲ ਗੌਰਵ ਖੁੱਲ੍ਹਰ, ਅੰਬੂ ਰਾਮ ਮੁਸ਼ਾਲ, ਜਗਜੀਵਨ ਸਿੰਘ ਗਰੀਬ, ਹੋਰ ਮੌਜੂਦ ਰਹੇ |
