ਨਵੀਂ ਦਿੱਲੀ, 2 ਅਕਤੂਬਰ (ਇੰਟ)- ਯੁਜ਼ਵੇਂਦਰ ਚਾਹਲ ਨੇ ਫਸਟ-ਕਲਾਸ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਹੈ ਪਰ ਭਾਰਤ ਲਈ ਦੁਬਾਰਾ ਖੇਡਣ ਦੀ ਇੱਛਾ ਅਜੇ ਵੀ 'ਬਹੁਤ ਜ਼ਿੰਦਾ' ਹੈ: 'ਮੇਰਾ ਸਫ਼ਰ ਅਜੇ ਖ਼ਤਮ ਨਹੀਂ ਹੋਇਆ।' ਕ੍ਰਿਕਟ ਦੀ ਜੋ ਪਹਿਲੀ ਗੇਂਦ ਮੈਂ ਕਦੇ ਫੜੀ ਸੀ, ਉਹ ਲਾਲ ਗੇਂਦ ਸੀ। ਮੈਂ 10 ਸਾਲਾਂ ਦਾ ਸੀ ਅਤੇ ਉਦੋਂ ਮੈਨੂੰ ਕੋਈ ਅੰਦਾਜ਼ਾ ਨਹੀਂ ਸੀ ਕਿ ਮੈਨੂੰ ਇਸ ਖੇਡ ਨਾਲ ਕਿੰਨਾ ਡੂੰਘਾ ਪਿਆਰ ਹੋ ਜਾਵੇਗਾ।
ਮੇਰੇ ਲਈ, ਲਾਲ ਗੇਂਦ ਵਾਲੀ ਕ੍ਰਿਕਟ (red-ball cricket) ਕਦੇ ਵੀ ਸਿਰਫ਼ ਇਕ ਹੋਰ ਫਾਰਮੈਟ ਨਹੀਂ ਸੀ। ਇਹ ਉਹ ਥਾਂ ਸੀ ਜਿੱਥੇ ਮੈਂ ਸਬਰ, ਕਿਰਦਾਰ, ਦ੍ਰਿੜ੍ਹਤਾ ਅਤੇ ਘੰਟਿਆਂਬੱਧੀ ਮੈਦਾਨ 'ਤੇ ਡਟੇ ਰਹਿ ਕੇ ਹਰ ਦੌੜ (run) ਅਤੇ ਹਰ ਵਿਕਟ ਲਈ ਸੰਘਰਸ਼ ਕਰਨ ਦੀ ਅਸਲ ਖੁਸ਼ੀ ਦਾ ਮਤਲਬ ਸਿੱਖਿਆ। ਮੈਂ ਆਪਣਾ ਆਖਰੀ ਫਸਟ-ਕਲਾਸ ਮੈਚ ਲਾਰਡਜ਼ (Lords) ਵਿਖੇ ਖੇਡਿਆ; ਇਹ ਸ਼ਬਦ ਕਹਿਣਾ ਭਾਵੁਕ ਕਰ ਦੇਣ ਵਾਲਾ ਹੈ ਕਿਉਂਕਿ ਟੈਸਟ ਕੈਪ ਹਾਸਲ ਕਰਨਾ ਹਮੇਸ਼ਾ ਤੋਂ ਇਕ ਸੁਪਨਾ ਰਿਹਾ ਹੈ, ਇਕ ਅਜਿਹਾ ਸੁਪਨਾ ਜੋ ਮੈਂ ਕਈ ਸਾਲਾਂ ਤੱਕ ਆਪਣੇ ਦਿਲ ਵਿਚ ਸੰਭਾਲ ਕੇ ਰੱਖਿਆ। ਭਾਵੇਂ ਇਹ ਸੁਪਨਾ ਪੂਰਾ ਨਹੀਂ ਹੋ ਸਕਿਆ, ਪਰ ਮੈਂ ਆਪਣੇ ਹੁਣ ਤੱਕ ਦੇ ਸਫ਼ਰ ਤੋਂ ਪੂਰੀ ਤਰ੍ਹਾਂ ਸੰਤੁਸ਼ਟ ਹਾਂ ਅਤੇ ਇਸ ਫਾਰਮੈਟ ਵਿਚ ਮਿਲੇ ਹਰ ਮੌਕੇ ਲਈ ਬਹੁਤ ਧੰਨਵਾਦੀ ਹਾਂ।
