ਜੀ . ਐੱਚ . ਆਰ . ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਨੂੰ ਕਮਰੇ ਦੀ ਉਸਾਰੀ ਲਈ ਸਾਢੇ ਤਿੰਨ ਲੱਖ ਰੁਪਏ ਦਾ ਕੀਤਾ ਸਹਿਯੋਗ

ਦੁਸਾਂਝ ਕਲਾਂ, 7 ਅਗਸਤ (ਰਾਮ ਪ੍ਰਕਾਸ਼ ਟੋਨੀ )- ਗੁਰੂ ਹਰਿ ਰਾਇ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਪਿੰਡ ਦੁਸਾਂਝ ਕਲਾਂ ਦੇ ਵੱਡੇ ਹਾਲ ਦੇ ਨਾਲ ਲੱਗਦੇ ਕਮਰੇ ਦੀ ਛੱਤ ਬਹੁਤ ਜ਼ਿਆਦਾ ਖਰਾਬ ਹੋ ਜਾਣ ਕਾਰਨ ਉਸ ਨੂੰ ਢਾਹ ਕੇ ਨਵੀਂ ਛੱਤ ਬਣਾਉਣ ਦਾ ਕੰਮ ਸ਼ੁਰੂ ਕੀਤਾ ਗਿਆ ਹੈ। ਇਸ ਲੋਕ-ਭਲਾਈ ਦੇ ਕਾਰਜ ਲਈ ਪਿੰਡ ਦੇ ਦਾਨੀ ਸੱਜਣ ਭੁਪਿੰਦਰ ਸਿੰਘ ਦੁਸਾਂਝ ਪੁੱਤਰ ਜਰਨੈਲ ਸਿੰਘ ਦੁਸਾਂਝ, ਪੋਤਰੇ ਪਾਖਰ ਸਿੰਘ ਦੁਸਾਂਝ (ਹਵੀਰੇਕੀਆਂ) ਦੇ ਪਰਿਵਾਰ ਵਲੋਂ ਸਕੂਲ ਨੂੰ 3 ਲੱਖ 50 ਹਜ਼ਾਰ ਰੁਪਏ ਦੀ ਰਾਸ਼ੀ ਭੇਟ ਕੀਤੀ ਗਈ ਹੈ।