ਜਲੰਧਰ, 23 ਮਈ (ਸ਼ਿਵ)-ਦੀ ਇੰਸਟੀਚਿਊਟ ਆਫ਼ ਚਾਰਟਰਡ ਅਕਾਊਾਟੈਂਟਸ ਆਫ਼ ਇੰਡੀਆ ਦੀ ਜਲੰਧਰ ਬਰਾਂਚ ਆਫ਼ ਐਨ.ਆਈ.ਆਰ.ਸੀ. ਵੱਲੋਂ ਚੇਅਰਮੈਨ ਸੀ. ਏ. ਵਿਵੇਕ ਪਾਰਟੀ ਦੀ ਯੋਗ ਅਗਵਾਈ ਹੇਠ ਨਵੇਂ ਲੇਬਰ ਕੋਡ ਵਿਸ਼ੇ 'ਤੇ ਇਕ ਜਾਣਕਾਰੀ ਭਰਪੂਰ ਸੈਮੀਨਾਰ ਦਾ ਸਫਲ ਆਯੋਜਨ ਕੀਤਾ ਗਿਆ | ਇਸ ਸੈਮੀਨਾਰ ਵਿਚ ਸੈਮੀਨਾਰ ਚੇਅਰਮੈਨ ਪ੍ਰਦੀਪ ਕੁਮਾਰ ਅਨੰਦ, ਸਾਬਕਾ ਚੇਅਰਮੈਨ ਸੀ.ਏ. ਪੁਨੀਤ ਓਬਰਾਏ, ਸੀ. ਏ. ਅਵਿਨਭ ਵਿਜ, ਸੀ. ਏ. ਅੰਕੁਰ ਗੋਇਲ ਜਿਨ੍ਹਾਂ ਨੇ ਪ੍ਰੋਗਰਾਮ ਦੀ ਸ਼ੋਭਾ ਵਧਾਈ | ਸੈਮੀਨਾਰ ਦੇ ਮੁੱਖ ਬੁਲਾਰਾ ਪਰੀਤੋਸ਼ ਚੌਹਾਨ ਨੇ ਨੇ ਨਵੇਂ ਲੇਬਰ ਕੋਡਜ਼ ਦੇ ਵੱਖ-ਵੱਖ ਨਿਯਮਾਂ, ਉਨ੍ਹਾਂ ਦੇ ਲਾਗੂ ਹੋਣ, ਪਾਲਨਾ ਦੀਆਂ ਲੋੜਾਂ ਅਤੇ ਉਦਯੋਗ ਤੇ ਵਪਾਰ 'ਤੇ ਪੈਣ ਵਾਲੇ ਪ੍ਰਭਾਵਾਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ | ਉਨ੍ਹਾਂ ਨੇ ਤਨਖ਼ਾਹ, ਸਮਾਜਿਕ ਸੁਰੱਖਿਆ, ਉਦਯੋਗਿਕ ਸੰਬੰਧ, ਵਪਾਰਕ ਸੁਰੱਖਿਆ ਅਤੇ ਪਾਲਣਾ ਪ੍ਰਣਾਲੀ ਨਾਲ ਜੁੜੇ ਮਹੱਤਵਪੂਰਨ ਪਹਿਲੂਆਂ ਨੂੰ ਆਸਾਨ ਤਰੀਕੇ ਨਾਲ ਸਮਝਾਇਆ | ਸੀ.ਏ. ਪੁਨੀਤ ਓਬਰਾਏ ਨੇ ਇਸ ਸੈਮੀਨਾਰ ਵਿਚ ਬੁਲਾਰਿਆਂ ਵਲੋਂ ਦਿੱਤੀ ਗਈ ਜਾਣਕਾਰੀ ਨੂੰ ਅਹਿਮ ਦੱਸਦਿਆਂ ਕਿਹਾ ਕਿ ਇਹ ਸਬੰਧਿਤ ਖੇਤਰ ਦੇ ਲੋਕਾਂ ਨੂੰ ਕਾਫੀ ਫ਼ਾਇਦਾ ਹੋਵੇਗਾ |
