ਜਲੰਧਰ

ਇੰਦਰਾ ਦਾਣਾ ਮੰਡੀ ਲੋਹੀਆਂ ਨੂੰ ਉੱਚਾ ਚੁੱਕਣ ਦੇ ਕਾਰਜ਼ਾਂ ਦੀ ਆਰੰਭਤਾ

ਲੋਹੀਆਂ ਦੀ ਇੰਦਰਾ ਦਾਣਾ ਮੰਡੀ ਨੂੰ ਉੱਚਾ ਚੁੱਕਣ ਦੇ ਆਰੰਭ ਕੀਤੇ ਕਾਰਜਾਂ ਮੌਕੇ ਅਰਦਾਸ ਭਾਈ ਚਮਕੌਰ ਸਿੰਘ ਅਤੇ ਹੋਰ ਪਤਵੰਤੇ (ਸੱਜੇ) ਜੇ.ਸੀ.ਬੀ. ਮਸ਼ੀਨ ਅੱਗੇ ਤੇਲ ਚੋ ਕੇ ਆਰੰਭਤਾ ਕਰਦੇ ਹੋਏ ਚੇਅਰਮੈਨ ਸਰਬਜੀਤ ਸਿੰਘ ਸਾਬ ਚਤਰੱਥ ਅਤੇ ਲੱਡੂਆਂ ਦਾ ਪ੍ਰਸ਼ਾਦਿ ਵੰਡਦੇ ਭਾਈ ਚਮਕੌਰ ਸਿੰਘ | ਤਸਵੀਰਾਂ : ਗੁਰਪਾਲ ਸਿੰਘ ਸ਼ਤਾਬਗੜ੍ਹ <br/> 08-05-2026

ਲੋਹੀਆਂ ਖਾਸ, 7 ਮਈ (ਗੁਰਪਾਲ ਸਿੰਘ ਸ਼ਤਾਬਗੜ੍ਹ, ਕੁਲਦੀਪ ਸਿੰਘ ਖਾਲਸਾ)-ਪੰਜਾਬ 'ਚ ਸ. ਭਗਵੰਤ ਸਿੰਘ ਮਾਨ ਦੀ ਸਰਕਾਰ ਨੇ ਪੰਜਾਬ ਨੂੰ ਰੰਗਲਾ ਬਣਾਉਣ ਲਈ ਬੀੜਾ ਚੁੱਕਿਆ ਹੋਇਆ ਹੈ ਤਾਂ ਹੀ ਅਸੀਂ ਲੋਹੀਆਂ ਦੀ ਚਿਰੋਕਣੀ ਮੰਗ 'ਇੰਦਰਾ ਦਾਣਾ ਮੰਡੀ ਦੇ ਫੜ, ਸ਼ੈੱਡ, ਗੇਟ ਅਤੇ ਸੜਕਾਂ ਆਦਿ ਨੂੰ ਉੱਚਾ ਚੁੱਕਣ ਦੀ ਮੰਗ ਪੂਰੀ ਕਰਨ ਜਾ ਰਹੇ ਹਾਂ, ਇਨ੍ਹਾਂ ਵੀਚਾਰਾਂ ਦਾ ਪ੍ਰਗਟਾਵਾ ਮੰਡੀ ਦੇ ਉਕਤ ਕਾਰਜਾਂ ਦੀ ਆਰੰਭਤਾ ਕਰਨ ਮੌਕੇ ਬੋਲਦਿਆਂ ਮਾਰਕੀਟ ਕਮੇਟੀ ਲੋਹੀਆਂ ਦੇ ਚੇਅਰਮੈਨ ਸਰਬਜੀਤ ਸਿੰਘ ਸਾਬ ਚਤਰੱਥ ਨੇ ਕੀਤਾ | ਇਸ ਤੋਂ ਪਹਿਲਾਂ ਕਾਰਜਾਂ ਦੀ ਸ਼ੁਰੂਆਤ ਕਰਨ ਵੇਲੇ ਗੁ: ਕਲਗੀਧਰ ਸਾਹਿਬ ਗੁਰੂ ਨਾਨਕ ਕਲੋਨੀ ਲੋਹੀਆਂ ਦੇ ਗ੍ਰੰਥੀ ਭਾਈ ਚਮਕੌਰ ਸਿੰਘ ਵੱਲੋਂ ਅਰਦਾਸ ਕੀਤੀ ਗਈ ਅਤੇ ਲੱਡੂਆਂ ਦਾ ਪ੍ਰਸਾਦਿ ਵੰਡਿਆ ਗਿਆ, ਜਦਕਿ ਚੇਅਰਮੈਨ ਸਰਬਜੀਤ ਸਿੰਘ ਸਾਬ ਚਤਰੱਥ ਨੇ ਜੇ.ਸੀ.ਬੀ. ਮਸ਼ੀਨ ਅੱਗੇ ਤੇਲ ਚੋਅ ਕੇ ਅਰੰਭਤਾ ਕਰਵਾਈ | ਮੰਡੀ ਬੋਰਡ ਦੇ ਐੱਸ.ਡੀ.ਓ. ਜਸਪ੍ਰੀਤ ਸਿੰਘ ਅਤੇ ਜੇ.ਈ. ਵਰਿੰਦਰ ਰਾਏ ਨੇ ਦੱਸਿਆ ਕਿ ਇਨ੍ਹਾਂ ਕਾਰਜਾਂ 'ਤੇ 2 ਕਰੋੜ 59 ਲੱਖ ਰੁਪਏ ਖਰਚੇ ਜਾਣਗੇ ਅਤੇ ਇਨ੍ਹਾਂ ਕਾਰਜਾਂ ਨੂੰ ਤੈਹ ਸਮੇਂ ਵਿੱਚ ਪੂਰਾ ਕਰ ਲਿਆ ਜਾਵੇਗਾ | ਕਾਰਜਾਂ ਦੀ ਆਰੰਭਤਾ ਮੌਕੇ ਆੜਤੀਆ ਐਸੋਸੀਏਸ਼ਨ ਲੋਹੀਆਂ ਦੇ ਪ੍ਰਧਾਨ ਜੋਗਾ ਸਿੰਘ ਡੋਲ ਅਤੇ ਆੜਤੀਆ ਗੁਰਚਰਨ ਸਿੰਘ ਸਫਰੀ ਨੇ ਇਨ੍ਹਾਂ ਕਾਰਜਾਂ ਲਈ ਸਰਕਾਰ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ | ਇਸ ਮੌਕੇ ਚੇਅਰਮੈਨ ਹਰਜਿੰਦਰ ਸਿੰਘ ਸੀਚੇਵਾਲ, ਸਰਬਜੀਤ ਸਿੰਘ ਜੀਤੀ ਨਿੱਝਰ, ਲੋਹੀਆਂ ਸ਼ਹਿਰੀ ਆਪ ਦੇ ਪ੍ਰਧਾਨ ਸਾਹਿਬ ਸਿੰਘ ਕੰਗ, ਸਾ. ਪ੍ਰਧਾਨ ਬਲਵਿੰਦਰ ਸਿੰਘ ਟਿੱਡੂ, ਆਪ ਐੱਸ.ਸੀ. ਵਿੰਗ ਦੇ ਪ੍ਰਧਾਨ ਲੈਹਿੰਬਰ ਭੱਟੀ, ਸੋਮ ਨਾਥ, ਕੁਲਦੀਪ ਸਿੰਘ, ਬਲਦੇਵ ਸਿੰਘ, ਯੂਥ ਆਗੂ ਆੜਤੀਆ ਜਸਵੰਤ ਸਿੰਘ ਜੋਸਨ, ਪ੍ਰਦੀਪ ਕੁਮਾਰ, ਅਤੁਲ ਗੁਪਤਾ, ਪਵਨ ਕੁਮਾਰ ਗੁਪਤਾ, ਵਿਕੀ ਧੀਰ, ਚਰਨ ਸਿੰਘ, ਅਵਤਾਰ ਸਿੰਘ ਕਰ੍ਹਾ, ਗੁਰਦੇਵ ਸਿੰਘ ਮੰਡੀ ਸੁਪਰਵਾਇਜ਼ਰ, ਠੇਕੇਦਾਰ ਅਤੁਲ ਕੁਮਾਰ ਸਮੇਤ ਵੱਡੀ ਗਿਣਤੀ ਵਿੱਚ ਆੜਤੀ ਅਤੇ ਆਪ ਵਰਕਰ ਵੀ ਹਾਜਰ ਸਨ |

ਪਿਛਲੀ ਖ਼ਬਰ ਸ਼ਾਹਕੋਟ ਤਹਿਸੀਲ 'ਚ 'ਈਜ਼ੀ ਰਜਿਸਟਰੀ' ਪ੍ਰਣਾਲੀ ਫੇਲ੍ਹ, ਸਿਰਫ਼ ਕਾਗ਼ਜ਼ਾਂ ਤੱਕ ਸੀਮਤ ਸਰਕਾਰੀ ਦਾਅਵੇ ਅਗਲੀ ਖ਼ਬਰ ਸ਼ਹੀਦ ਭਾਈ ਤਾਰਾ ਸਿੰਘ ਖ਼ਾਲਸਾ ਸੀਨੀ. ਸੈਕੰ. ਸਕੂਲ ਕਮੇਟੀ ਵਲੋਂ ਨਵੀਂ ਵੈਨ ਤੇ ਜਨਰੇਟਰ ਨੂੰ ਕੀਤਾ ਵਿਦਿਆਰਥੀਆਂ ਨੂੰ ਅ...