ਸਿੱਖ ਸੇਵਕ ਸੁਸਾਇਟੀ ਨੇ ਹੜ੍ਹ ਪੀੜਤ ਕਿਸਾਨ ਦੇ ਘਰ ਦੀ ਕਰਵਾਈ ਨਵ-ਉਸਾਰੀ <br/>

ਜਲੰਧਰ, 8 ਮਾਰਚ (ਹਰਵਿੰਦਰ ਸਿੰਘ ਫੁੱਲ)-ਬੀਤੇ ਸਾਲ ਪੰਜਾਬ 'ਚ ਆਏ ਹੜ੍ਹਾਂ 'ਚ ਅਜਨਾਲਾ ਤਹਿਸੀਲ, ਅੰਮਿ੍ਤਸਰ ਦੇ ਨੇੜੇ ਪਿੰਡ 'ਚ ਹਰਿ ਭਜਨ ਸਿੰਘ ਨਾਂਅ ਦੇ ਛੋਟੇ ਕਿਸਾਨ ਦਾ ਘਰ ਹੜ੍ਹਾਂ ਕਾਰਨ ਢਹਿ ਗਿਆ ਸੀ | ਸਿੱਖ ਸੇਵਕ ਸੁਸਾਇਟੀ ਇੰਟਰਨੈਸ਼ਨਲ ਨੇ ਇਸ ਪਰਿਵਾਰ ਲਈ ਨਵਾਂ ਘਰ ਬਣਾਉਣ ਦਾ ਫ਼ੈਸਲਾ ਕੀਤਾ | ਇਸ ਘਰ ਦੇ ਨਿਰਮਾਣ ਦਾ ਸੁਸਾਇਟੀ ਦੇ ਮੁੱਖ ਜਥੇਦਾਰ ਪਰਮਿੰਦਰ ਪਾਲ ਸਿੰਘ ਖ਼ਾਲਸਾ ਤੇ ਉਨ੍ਹਾਂ ਦੀ ਟੀਮ ਨੇ ਨਿੱਜੀ ਤੌਰ 'ਤੇ ਮੁਆਇਨਾ ਕਰਨ ਉਪਰੰਤ ਦੱਸਿਆ ਕਿ ਸੁਸਾਇਟੀ ਨੇ ਇਸ ਤੋਂ ਪਹਿਲਾਂ ਵੀ ਚਾਰ ਹੋਰ ਪੀੜਤ ਕਿਰਤੀ ਕਿਸਾਨਾਂ ਤੇ ਦਲਿਤ ਪਰਿਵਾਰਾਂ ਦੇ ਘਰ ਬਣਾ ਕੇ ਦਿੱਤੇ ਹਨ | ਇਹ ਕੰਮ ਰੁਕਣ ਵਾਲਾ ਨਹੀਂ, ਸਗੋਂ ਵਧਦਾ ਜਾ ਰਿਹਾ ਹੈ | ਇਸ ਤੋਂ ਇਲਾਵਾ, ਪੀੜਤ ਲੋਕਾਂ ਦੇ ਇਲਾਜ, ਅੰਗਹੀਣ ਗ਼ਰੀਬਾਂ ਨੂੰ ਵੀਲ੍ਹਚੇਅਰਾਂ ਦੇਣ ਤੇ ਹੋਰ ਸੇਵਾਵਾਂ ਵੀ ਜਾਰੀ ਹਨ | ਇਸ ਮੌਕੇ ਪ੍ਰੋ. ਬਲਵਿੰਦਰ ਪਾਲ ਸਿੰਘ, ਹਰਭਜਨ ਸਿੰਘ ਬੈਂਸ, ਸੰਦੀਪ ਸਿੰਘ ਚਾਵਲਾ, ਹਰਦੇਵ ਸਿੰਘ ਗਰਚਾ, ਸਾਹਿਬ ਸਿੰਘ ਆਰਟਿਸਟ ਵਰਗੇ ਸੇਵਾਦਾਰ ਵੀ ਹਾਜ਼ਰ ਸਨ |