ਸਿਰਸਾ, 2 ਜਨਵਰੀ (ਭੁਪਿੰਦਰ ਪੰਨੀਵਾਲੀਆ)-ਮਨਰੇਗਾ ਬਚਾਓ ਮੋਰਚਾ ਸੰਘਰਸ਼ ਸੰਮਤੀ ਦੇ ਤਹਿਤ ਮਨਰੇਗਾ ਮਜ਼ਦੂਰ ਜਥੇੰਦੀਆਂ ਦੇ ਇਕ ਵਫ਼ਦ ਨੇ ਮਨਰੇਗਾ ਨੂੰ ਮੁੜ ਬਹਾਲ ਕਰਨ ਦੀ ਮੰਗ ਨੂੰ ਲੈ ਕੇ ਰਾਸ਼ਟਰਪਤੀ ਦੇ ਨਾਂਅ ਵਧੀਕ ਡਿਪਟੀ ਕਮਿਸ਼ਨਰ ਨੂੰ ਮੰਗ-ਪੱਤਰ ਸੌਂਪਿਆ | ਜਥੇਬੰਦੀਆਂ ਦੇ ਵਫ਼ਦ ਨੇ 'ਜੀ ਰਾਮ ਜੀ' ਕਾਨੂੰਨ ਨੂੰ ਤੁਰੰਤ ਵਾਪਸ ਲੈਣ ਦੀ ਮੰਗ ਕੀਤੀ | ਇਸ ਮੌਕੇ ਮਜ਼ਦੂਰ ਆਗੂਆਂ ਨੇ ਕਿਹਾ ਕਿ ਸਰਕਾਰ ਨੇ ਮਨਰੇਗਾ ਨੂੰ ਖਤਮ ਕਰਕੇ ਪੇਂਡੂ ਮਜ਼ਦੂਰਾਂ ਨਾਲ ਧੋਖਾ ਕੀਤਾ ਹੈ | ਮਨੇਰਾ ਬਚਾਓ ਮੋਰਚੇ ਨੇ ਸਰਕਾਰ ਨੂੰ ਚਿਤਾਵਨੀ ਦਿੱਤੀ ਕਿ ਜੇਕਰ ਸਰਕਾਰ ਮਨਰੇਗਾ ਕਾਨੂੰਨ ਨੂੰ ਰੱਦ ਕਰਕੇ ਜੀ ਰਾਮ ਜੀ ਲਾਗੂ ਕਰਦੀ ਹੈ ਤਾਂ ਗਰੀਬ ਅਤੇ ਮਜ਼ਦੂਰ ਇਸ ਨੂੰ ਬਰਦਾਸ਼ਤ ਨਹੀਂ ਕਰਨਗੇ | ਉਨ੍ਹਾਂ ਚਿਤਾਵਨੀ ਦਿੱਤੀ ਕਿ ਮਨਰੇਗਾ ਬਚਾਓ ਮੋਰਚਾ ਮਜ਼ਦੂਰਾਂ ਦੇ ਹੱਕਾਂ ਲਈ ਪੂਰੇ ਦੇਸ਼ 'ਚ ਤਿੱਖਾ ਅੰਦੋਲਨ ਕਰੇਗਾ | ਇਸ ਮੌਕੇ ਮਨਰੇਗਾ ਬਚਾਓ ਮੇਰਚੇ ਦੇ ਜ਼ਿਲ੍ਹਾ ਕੌਂਸਲਰ ਤੇ ਸਮਾਜ ਸੇਵਕ ਰਾਜਿੰਦਰ ਸਿੰਘ ਮੰਗਲਾ, ਜ਼ਿਲ੍ਹਾ ਕੌਂਸਲਰ ਅਤੇ ਰਾਸ਼ਟਰੀ ਮਜ਼ਦੂਰ ਕਿਸਾਨ ਮੰਚ ਹਰਿਆਣਾ ਦੇ ਸੂਬਾ ਪ੍ਰਧਾਨ ਕਰਮਜੀਤ ਕੌਰ ਵੈਦਵਾਲਾ, ਪ੍ਰਧਾਨ ਨੱਥੂ ਰਾਮ ਮੇਟ, ਪ੍ਰਧਾਨ ਮੰਗਤ ਰਾਮ ਮੇਟ, ਪ੍ਰਧਾਨ ਭਜਨ ਲਾਲ ਮੇਟ, ਨਥੀ ਦੇਵੀ, ਕਮਲਾ ਦੇਵੀ, ਸਾਵਿਤਰੀ ਦੇਵੀ, ਸ਼ਾਰਦਾ ਦੇਵੀ, ਰਾਮ ਵਿਲਾਸ, ਰਾਜੇਂਦਰ ਪਾਲ, ਸਾਵਿਤਰੀ ਦੇਵੀ, ਕਾਂਤਾ ਦੇਵੀ, ਰਮੇਸ਼ ਦੇਵੀ, ਗੁਰਪ੍ਰੀਤ ਦੇਵੀ ਤੇ ਮਨਰੇਗਾ ਮਜ਼ਦੂਰ ਮੌਜੂਦ ਸਨ |
